Сервор Догъисту Сергей Меликов ве рэхьбер эн Уруссиетие экологически идоре Денис Буцаев фегьм сохдет вокурде оморенигьо хокоруре вихденигьо комплексе. Песде гье э унжо гировунде оморебу гуьрдлеме э товун э гуьнжо овурдеи системей кор сохдеи э хокоруревоз э Догъисту.

Э вокурде оморенигьо корхоне омборе кор сохде омори: вокурде омори дуьруьжде вокурдеи эри завуд, вокурде омори транспортировочни конвейер, восдоре омори жирелуье технике ве норе омори оборудование. Ве э жиге сенигlэткоргьо фегьм сохдет оборудованиере.

Завуд э Дербенди район — еки эз се дуьруьжде объектгьой кор сохдеи э хокоруревоз, комигьоки вокурде оморени э республике эз поревоз.

Объектгьо вокурде омори эз 75% омборте. Э е сал тозеден э кор венгесде миев 950 гьозор тонн хокору ве э е сал э инжо овурде миев 570 гьозор тонн.

Рэхьбер эн Уруссиетие экологически идоре Денис Буцаев, виниренки овхьолет коргьоре, риз кеши, чуьки Догъисту пушебери э СКФО э товун э кор венгесдеи дегишигьоре э хокоруревоз.

Сергей Меликов гуфди, чуьки республике э сер хуьшде вегуьрдени егъине гъэрхундигьоре хьозуьр сохде объектгьоре э 2025-муьн сал. «Иму э кор венгесденим жэгlмиетлуье, социальни, гьемчуьн ме мигуфдуруьм, вожиблуье проекти эри Догъисту.