Бегем игидлуье нисди и игиди, кейки тракторчи мунди пойсуьз ве гье гене нуьшди э сер трактор? Ижире игиде гlуьзет сохде омори нуботлуье торихлуье ихдилот.
Дуьимуьн хьэсуьл омореи тракторчи Пинхасов Шельбет Савиевич.
Эз лой Каспий буше кулок овурди зиндегуние нуьге. Э дури, э пойней Кавказие гъугъ догъ, сес трактор омори. Бэгъдовой ижире
хиники сук бисдо нефес кеширеи. Энжэгъ гуд-мегуд мотор корисохи, коминики
кор сохди э кесе сесевоз, э гъэр венгесде Шельбете.
Гье гене куфде зере клапангьо, — фикир сохди
у, — чуьтам ми не поисд э мигле сэхьро. Тракторчирафд раси э мошиневоз те
эхир муьлк, поюнди мошине ве бисд минут вохорунди э гъэд мотор. Песде огь
кешири, нуьшди э сер мошин ве гьей сохди. Кейки пулате мошин рафди расири эки сэхьрои жиге, офтои пэхьни бири э песой догъ.
Шельбет поюнди тракторе, иловлере чуме-чару сохди.
Винири бригадире трактори десде Ошире Азарьеве, ленгуьсде, рафди э ки эну э
вохурдеи.
— Кумекии сох, бригадир, клапангьой двигатель куфдени. Эгенер имбуруз гъуьч сохде нибу, себэхь дир мибу, мере не воисде, чуьки поюнде коре.
Те торики зере жофо кешири Ошир ве Шельбет, угьо хуб гъуьч сохди кла-
пангьоре, гировунди гъуьчсохи двигатель. Ве кейки э кор венгесди уре, сес омори
хуб шинох гьисдигьо трактори дузовнее гуд-мегуд. У, чуь мэгlни, гирошди э сер
сэхьрогьо, сессуьзи бире эжеиге эки гъузи догъ.
Имогьой гlэмел миёв ве форигъэти вегуьрде, — разилуье сесевоз гуфди Шельбет.
Оммо себэхь э бур себэхьиревоз гье гене э сэ-
хьро. Угьо евошлуь рафдет э лой рэхь. Шельбет диеш омборте ленгуьсди ве уне-
гуьре ведоребу э чубугъ. Гьис сохди хэсдеире, имбуруз омбор жофо кешире омори. Ини ве рэхь. Нуьшдет дим-дуз э гъирогъ хори.
Дениширет тейте мошин оморе. Э и зуригьо веди бисдо дуь товуш дорение нуьгде. Ошир вэхуьшди ве гьово гуьрди десе. Мошин
поисди. Рэхь э ки хуне зобуне рэхь бу, ве унегуьре лап сэхд шувунди. Шельбет
нуьшди э кузов э сер комининиге туморе ве фикирлуь денишири э пушо. Э дури
гье гене веди бири дуь товуш дорение фарагьо. Угьо, зури-зури зиёд биреи эз пу-
шой чум зери гирошде. Самосвал, — гуфдири
Шельбет э Ошир. Бригадир э гъэл дешенд гедере.
— Герек нисди э ёр овурде. Оммо бегем мидануь Шельбет фурмуш сохде ижирере…
Хьол хуби. Имбуруз уре дим-дуз э муьлк э хубе корисохи тэгlриф дори сернуьш колхоз. Шельбет нисе суьфдеи бо шиновусдени
тэгlрифире: у комсомол, пушолуье тракторчи, спортсмен. Оммо э сэхьро тэгlрифи сернуьш сес доре де жирейге. Имид дори ве э
Гьеммесоюзие бирмундеи э Москов фуьрсоре. Шельбет боворинлуь берде мотоцикл.
Зури-зури э хуне, эри ихдилот сохде э товун гьемме гье и э гъовум-гъэрдеш.
Шельбет вокурд чумгьоре. Эжею ме? – фикир сохди у ве гье усэгlэт винире э ён хуьшде келете зере э сипре халат.
Бегем ме э соф хоне дегешдем? Э ёр омори товуш доре фарагьо самосвале,
гъиринж гьовуни, терслуье зереи. Э утогъ софхоне темизини. Духдиргьо лап тигъ-
этлуьи. Гьер руз уре сер кеширенуьт гъовум-гъэрдеш ве хьэрмэхьгьо. Гьеммейки
дуьл доре. Оммо уре герек нисди хомуши венгесдеи.
Гьемме варасди. Согъбошит муьгьбетлуье кор, нуьге хори, темизе вокурде асму ве тиморлуье гуд-мегуд трактор, спорт. Чуь мидануь
сохде е пои? Э сер верафдени гьеркиш фикиргьо, еки э пушой екиге, оммо вихдеи
мибу еки: хори, трактор, фирегьэ сэхьро. Ведореи э чубугъ, Шельбет пой норе,
песде пой э песой пой. Бегем имогьой гlэмел миёв рэхь рафде чубугъсуьз?
Гlэмел миёв, гьелбетте, гlэмел миёв! Оммо гьеле,кейки у рэхь рафдени, ве умогьоиш бовор нисе сохде э и мозол. Диеш е пой
нореи, диеш… Хуьшденире гьемме гье и бири гlэжоиби.
Эри, имогьой, гьэгъигъэтиш, гlэмел миёв лап е жирейге денишире э зиндегуни… Э хуне бэхьс гуьрде.
Эгенер у шуькести, ёгlни миё бу рафде э корисохи гъэреулчи. Песде бэгъдовой суьгьбет игъролбесдеи э сернуьш колхозевоз очугъ бисдо эри эну офди жиге э бухгалтери. Э конторе кор динжлуьи. Оммо трактор?
Эхи Шельбет – тракторчини.
Эри эну имогьой гье и сенигlэткори гуьнжолуьи нисди.
Эри чуь Мересьев, вир сохдеи гьердуь пойгьоре, дануьсди паруьсде э самолет,
оммо у ни дануь тракторе берде? Эри гье и кор уре гереки тренировкегьо эри
пой. Омборе вэхд, зиёдие гъувот дореи, гъимиш не сохде хуьшдере, кор сохде
хуьшдени ю.
Гуьрдлеме рэхьбергьо колхоз нум Ленина. Шельбет э дуьлпесоиревоз дарафдени э утогъ томбоку кеширенигьо.
— Бегем негl сохде? – фикир сохди геде. Э у гъиеметлуь дениширет рэхьбергьой
колхоз. Гьелбете, угьо хунди эрзо энуре.
— Соки, воисдени гье гене э трактор кор сохде? – Эри
– Оммо ме не дануьсденуьм ихьдибори сохде трактор э шуькест, — сернуьш колхоз
Ишьягу Шамоилович Семенов гуфдири, гъэгьркешире.
— Хубте ми бисдо корисохи э бухгалтерие. Э унжо туьре асантте мибу. – Векили сохди э Шельбет бригадир Ошир Азарьев.
Оммо Мересьев?…
Шельбет екире эз поине рычаггьой тракторе гърор нори гировунде э деси рэхьбери. Ве омбордекиш э сервори гьисдигьо корсохгьо
гъэрор норе… Э духдири фегьмгери… Сэхьро. У вохурди Шельбете серине э и пушогьо кутон зере хори.
Нефес кеширеи сукте ве буш бисдо. Ёгlни, боворини дори духдиргьоре.
— Гьери, хьозуьр бош, эз се рузиге миёв хьэрмэхьгьо эз технадзор. Эгенер угьо руьхсет дорени… Трактор евош рафде э сэхьро.
Песде гье бирден э лойиге гирошдени ве сергуьрде бирмунде ижире-ужире тегьер гьейсохи, чуь гьемме эз гlэжоиби не дануьсди,
чуь гоф сохде. Ошир хэндуьсди. – Гье и Шельбет субути.
Мошин поисди, Шельбет ве Ошир ведироморет эз кузов. Согъбоши гуфдиреи
эз мошинбер. – Гьери, имогьой э хунегьо.
— Себэхь зу себэхь ми виним дуь екире э сэхьро.
— Мере гьечи оморени, Ошир, — гуфдири Шельбет, — чуьки ме хьэсуьл оморем
дуьимуьн бо ве тракторчи сэхд гирди дес бригадире.
Александр Рафаилов
