Э песини рузгьо 2023-муьн сал Сернуьш Хьуькуьм Республике Догъисту Абдулмуслим Абдулмуслимов гъобул сохде бэхшвегири э вокурде оморе бэгъдовой тозеден вокурдеи автомобильни жиге гьишдеи гирошде Верхний Ларс э серхьэд э Азербайджан, комики гировунде э телемост министр эн транспорт Уруссиети Федерацие Виталий Савельев.
Э и коргьо гъобул сохде бэхшвегири сервор Республике Софун Осетие – Алание Сергей Меняйло, Сернуьш Хьуькуьм Республике Догъисту Абдулмуслим Абдулмуслимов, жигегир рэхьбер серхьэдчие гъуллугь сохде ФСБ Уруссиет – рэхьбер Департаменте серхьэдчие фегьм сохдеи Игорь Шмоткин, веровундегор гъэрхунди рэхьбер Федеральни гуьмруькхоне гъуллугь сохдеи Руслан Давыдов, рэхьбергьо ФГКУ Росгранстрой э сервори Генадий Безлобенко.
«Иму сохдейм еки вожиблуьи поинореи э параменди гIэрейхэлгъие транспортни сиро «Софун-Дорум», комики доре эз е ло э де лонге бердеи шелере э Грузие, Армение, Турцие, Азербайджане, Иран, Индие. Тозе сохдеи транспортни инфраструктури гьишде зиед сохде гировундеи гъувотлуьи ве э гуьнжо овурде хубе игърол эри сафаргигьо ве шелегировундегор э сер гирошде серхьэд. Доре гьишдеи гирошде зиед бире доруние гъэдер шелегировунде ве пассажирски жуьмуьсдеи»,- гуфди Виталий Савельев.
Яраг-Казмаляр – хуьшдение шелеверие автомобильни жиге гьишдеи гирошде э серхьэд э Азербайджан.
Желдлуье коргьо э сер тозеден вокурдеи сер гирде э 2021-муьн сал.
Вокурде омореи коргьо сохде сэхд не сохде жуьмуьсдеи. Э хотур чуьки гъобул сохде гъэрорноме дануьсде дошде ведировунде гьишдеи гирошде гъувотлуьи, зиед сохде доруние гъэдер гирошде транспорте. Бири вокурдеи ве тозеден вокурдеи 60 дуьруьжде вокурдеире. Гировунде 13,5 км. буруние сетей. Веноре гьир э жиге мейдуе 70 тыс. м2. Норе оморе гьеймогьоине оборудовани. Эз 14 те 22 зевер бире гъэдер риз жуьмуьсдеи транспорте.
Тозе сохдеи жиге гьишдеи гирошдеи Яраг-Казмаляр гирошде э веровундеи гъэдэгъэ Президент Уруссиети Федерацие Владимир Владимирович Путин, чуьки бирмунде мэгIэнолуье э гье у объекте эри Догъисту ве эри вилеет»,- бирмунде Виталий Савельев, доре гоф премьер министре Догъисту.
Э шолуми гуфдиреи гъусо премьер-министр Абдулмуслим Абдулмуслимов суьфде омборокбу сохде эз руй Сервор улке Сергей Меликов ве эз хуьшде рэхьбер Минтрансе РФ ве Сервор Софун Осетие-Алание э барасилуье дореирево проекто-тозеден вокурдеи гIэрейхэлгъие жиге гешдеи гировунде эз хьуькуьмлуье серхьэд вилеет.
Гье у гьисди бинелуье гъозие. Э песини вэхд зевер бире шелеберде э гIэрейхэлгъие сиро «Софун-Дорум», унегуьре жуьмуьсдеи шелее транспортни овгьотгьо гIэрейхэлгъие гирошдеи эз Республике Догъисту.
ГьейсэгIэт гировундение гъувотлуьи жиге гьишдеи гирошде нисе жугьоб доре имбурузине вэхд.
Омборетарафлуье автомобильни жиге дегьишдеи «Яраг-Казмаляр» э имбурузине руз гьисди еки эз бинелуье жиге гIэрейхэлгъие транспортни сиро «Софун-Дорум» э Уруссиетие жиге э хьуькуьмлуье серхьэд. Бэгъдовой тозеден вокурдеи и жиге гировундеи зевер бири э 3 гиле – эз 500 транспортни овгъоттогьо те 1400 транспортни овгъоттогьо э шеви-рузи. Гье у гьишде зевер сохде моле э де вилеетиге бердеи уруссиети молгьо, ве мол эз де вилеетиге гIэрейхэлгъие молгьо э Уруссиетие Федерацие, чуьки доре минкини социально-экономически параменди Республике Догъисту ве вилеет.
Рэхьбер республике ве Хьуькуьм бирмунде хьозуьрлугьи эн хуьшдере э песдеине кумеки доре эри гъэрорноме пуьрсуьшгьо ве везифе, комики норе э пушой эн иму Президент Владимир Путин ве рэхьбергьо Хьуькуьм Уруссиети Федерацие э сер параменди гIэрейхэлгъие транспортни сиро «Софун-Дорум»,- гуфдире Абдулмуслимов.
ГIуьзет сохде, чуьки гирошде серхьэд бири хуб ве зури-зури эри гьозор сафарчи ве гердундегор келешелегьо, гье у келе пойнореи э параменди фурухде-экономически бесде э гIэрей хьуькуьмгьо.
