Сервор Догъисту Сергей Меликов гировунди вохурдеи э бэхшвегиргьоревоз сенгIэткорлуье программе эз Догъисту.
Э гъэд эн угьо – одомигьо, комикигьо дешенде омори э федеральни сенигIэткорлуье хьозуьр сохдеи ве хьозуьр сохдеи рэхьберие корсохгьо республике, ве бэхшвегиргьо программе «Десдей Уруссиет», варасунде бегьем сохдегоргьо прграммере «Школе серворгьо». Угьо дори синогъире гирошдеи соводие беделгьоре, гъэлхэнди проектгьоре ве ихдилот сохди э товун имидигьо ве гузетигьо эн хуьшде.
Сервор регионе бирмунди, чуьки везифегьо ижире вохурдеигьоре – вегуьрде песово вогошдеие бесдеи: эри чендгъэдерие программегьо кумекии доре биёвгьо рэхьберисохгьоре веровунде хуьшдере ве комини проектгьо угьоре мерэгъ бире. Гьемме гье у, э гофгьой Сергее Меликове, гьишде республикере варасире, коминигьо сенигIэткорлуье минкинигьо уре гьисди.
Буьлуьнде школеревоз хьуькуьмрэхьберие РАНХиГС эсер гъэдэгъи Серворе РФ веровунде оморе программе параменди муниципальни сенигIэткорлуье рэхьберисохие хьозуьр сохдеи «Школе серворгьоре». Э эхири шеши беделгьо бэхшвегиргьо программере эз Догъисту барасилуь гъэлхэнди сохди варасундение сенигIэткорлуье коре.
Федеральни соводие программе «Десдей Уруссиет» сер гуьрди э май гирошденигьо сале э бине Усдохоне рэхьберисохи «Сенеж». Одомигьо эз Догъисту вегуьрди дуьимуьн жиге. Эзуш бэгъэй, бэхшвегиргьо эз республике вегуьрди еки суьрхи ве еки нуьгъреи бэхшгьо эсер жейлее корисохигьо.
Гировунде омори вихдеи хьовугьо эри дешендеи э хьозуьр сохдеи рэхьберисохие сенигIэткоргьо республике. Экуьнди 100 хьовугьо гирошди суьфдеи пуьрсуьшдореи, гъиметдии рэхьберисохие минкини ве теке жейлее гофсохдеи. Э арти 6 одоми дешенде омори э хьозуьр сохдеи сенигIэткоргьоре, гьердуьре нори э гъуллугъсохи.
Вожиблуье бараси нушудорегоргьой республике – чор рэхьберисохгьо эз Догъисту дарафди э федеральни сенигIэткорлуье хьозуьр сохдеи.
Вихдеи хьовугьоре гировунде омори э гъобулисохиревоз э буйругъевоз Серворе Уруссиете. Жирей корисохи дешенде омборегъэдерие гъиметдии сенигIэткорлуье риз гъэдерлуьи хьовугьоре. Э ноябрь биригьо сале угьо гъобул сохди бэхшвегири э руй-бе-руйлуье е гъэдер вэгIэдо вихдеи, эже бирмунди хуьшдение-сенигIэткорлуье хуби э гъэд теке жейлее ве десдеие коргьо.
Гьеммей гъэдэгъэгьо серворе Догъисту хьовгьо барасилуь веровунди ве дарафди э гъэдер бэхшвегиргьо федеральни сенигIэткорлуье хьозуьр биреи, комики э гуьнжо овурди эз нушудорегоргьо гьеммей регионгьо вилеет ве федеральни идорегьо. Бэхшвегиргьо уже гирошди чор беделгьо, э октябрь везифе нори эз серхьэд эулое хундеи э Минске, песде бегьем сохдеие беделе угьо гъэлхэнди мисоху проектни коре.
Гировунде артгьоре вохурдеире, Сергей Меликов войге сохди рэхьберисохдегоргьоре жире—бе жирее риз гъэдерлуьире ве согъбоши гуфдиреи угьоре э песой войге.
Жирелуье тигъэти сервор регионе дори пуьрсуьшгьоре жугьобдорлуьи ве номуслуьи хьуькуьмгъуллугъире.
Сергей Меликов андуьрмиш сохди, чуьки кор э идорегьо хьуькуьме, эзуш бэгъэй синогъии, талаб сохде гьуьндуьре хуьшдение жугьобдорлуьи.
Сервор республике войге сохди барасигьо бэхшвегиргьоре ве бирмунди, чуьки рафдеи э вилеет доре угьоре жирелуье минкини эри бемзери.
