Сергей Меликов гировунди гуьрдлеме эсер нореи везифегьоре э февраль. Э у гъобул сохди бэхшвегири рэхьбергьо идорегьой хьуькуьме.

Мегь сер мигиру эз вожиблуье корисохигьо э федеральни идорегьо хьуькуьме.

Э суьфдеи орине Сергей Меликов мигировуну динлуье гьермегьинее гуьрдлеме эсер э вэхд ю герек гьисдигьо пуьрсуьшгьо.

Жирелуье тигъэти миду соводие идорегьоре э везифе – десдей вежегь-вежегье «Ватан» ве махачкалински гимназие №1 ве РЦО э Каспийск.

Сервор республике мигировуну гуьрдлемегьоре Комиссие эсер зиёдсохи гъэзенжлуье беделе бюджете, Нсиете эсер везифелуье параменди Догъистуре ве корисохие десдегьо э веровундеи гъэдэгъэгьоре, комикигьо доре омори э гуьрдлеме Госсовете РФ.

Идорегьо хьуькуьме фегьм мисоху тозе минкинигьоре параменди жэгIие овхьолет иловлеире э Догъисту.

Сергей Меликов динлуь мивохуру э куьндегьоревоз лешгеригьоре.

Э февраль Сергей Меликов мигировуну суьфдеи гуьрдлемере дерьёгьие несиете. Э ёр овурденим, тозе вокурдеигьо бири э гуьнжо овурде э биригьо орине.

Мигирору корисохигьо эки Руз гъэлхенди Ватане, э у гъэдер дореэ гIуьзете овхьолет хьуькуьмлуье бэхшгьоре.

Сергей Меликов вохурди э нушудорегоргьой жэгIмие идорегьо, комики нушу доре мерегъэ келетегьоре афгански гъозиегьоре.

Э республике э гуьнжо овурде омори бинегьо «Авангард», «Альтаир», «Юнармие» ве жовоние лешгерие-ватанхогъие бине. Гье у пуьрсуьшгьоре пуьруьш мисоху э гуьрдлеме э зир рэхьберисохдеиревоз серворе регионе.

Э февраль гузет сохде омореи э Догъисту рэхьбергьой е ченд федеральни идорегьо. Э жейлее гуьрдлемегьо пуьруьш мисоху пуьрсуьшгьоре оголзереире дореи ихдиёриегуьнжолуьире ве гировунде вихдеигьоре э Догъисту. Гьемчуьн сервор регионе везифе нори вохурде э фурмунде омореие бэхшвегиргьо вокурдеире.