Э гирошдигьо орине сервор Догъисту гировунди гъуллугъие вохурдеи э жигегиревоз сернуьше Уруссиетие довгlои-торихлуье жэгlмет (РВИО), э жигегиревоз рэхьбере Рэхьберсохи Президенте РФ э хьуькуьмлуье политике э гуманитари сфере Николаевоз Овсиенко, коминики омори э республике эри бэхшвегири э лап келе гlилмие-корисохи гуьрдлеме, гировунде оморенигьо э и рузгьо э Догъисту.

Э меслэхьэт сервор республике гlуьзет сохди буьлуьнде гъэдуьр кор Уруссиетие довгlои-торихлуье жэгlмет э дошдеи торихи ёргири ве ватанхогьи вомухундеи жовонгьоре. У риз кешири, чуьки Догъисту, э эну гlошире довгlои торихевоз ве омборе гъэдеревоз игидгьоре-гъэлхэндчигьо Ватан, мерэгълуьи э зиёд фирегьсохи гьемкорсохи э РВИО.

Рэхьбер регион нушу дори кумекии э хьэвес гъуногъ э гуьнжолуьи э Догъисту гъэйгъусохие совети гьемшегьерие жейлее жиге Жэгlмет, чуь руьхсет дорени ведеберде дуь эекиревоз корисохи э тозе риз.

Эз лой хуьшде, Николай Овсиенко разилуьи вегуьрди э вэхд ю гереки ве вожиби ватанхогьи кор э регион. У бирмунди тигъэти э гьисдигьо э Догъисту омборе гъэдер игидгьо ве лап омборе кор э товней гьеммишелуьг э ёргири гьишдеи угьоре. Овсиенко гуфдири, чуьки Уруссиетие довгlои-торихлуье жэгlмет хьозуьри э дореи гьемметарафлуье кумекии э гье у рэхькори.