Сергей Меликов э жирей ВКС бэхш вегуьрди э гуьрдлемей Меслэхьэт эки пуреихдиерлуье нушудорегор эн Президент Уруссиет э СКФО. Гуьрдлемере рэхьбери сохдебу Юрий Чайка.

Фегьм сохде омори вожиблуье пуьрсуьшгьо э сферей эн сухундение-энергетически комплекс СКФО. Э гофгьой эн Ю.Чайке гуьре, э пушой отрасль поисди е жерге вожиблуье пуьрсуьшгьо, э гIэрей комигьоки – зофру сохдеи энергоовгъотгьоре, гьемчуьн расундеи муьхькемлуье ве гъоимлуье электроэнергиере. Эзуш бэгъэй, вожиблуье тараф веноре гъувотгьоре эри гьемме мерэгълуь гьисдигьо структурегьоре э округ мундени нисд сохдеи гъэрдигьой одомигьоре.

«Овхьолет э пулдореиревоз эри хэржи сохдеи энергоовгъотгьоре э субъектгьой СКФО талаб сохдени гъобул сохдле дир не кеширенигьо ве системни гъэрорномегьоре эри хубте сохдеи уре», — гуфди эз курабирегоргьо пуреихдиерлуье нушудорегор.

Гьееки э уревоз гуфдире оморебу, ки э артгьой эн 2025-муьн сал гуьре ПАО «Газпром межрегионгаз» дануьсди зофру сохде бирмунушигьой гъэрдигьоре э СКФО.

Э гуьрлеме гьемчуьн бирмунде оморебу барасигьой эн «суьфдеи» федеральни проект э товун расундеи гъоимгъувотлуье экономически параменд сохдеи корхонегьой энергетикере ве хунелуье-коммунальни хозяйстворе э Республикей Догъисту, э Республике Ингушетие гьмчуьн э Республике эн Софунлуье Осетие-Алание. Э товун энугьо мэгIлуьм сохди жигегир эн министр экономически параменди РФ Сергей Назаров ве серворгьой регионгьо.

Э артгьой гуьрдлеме гуьре бирмунде оморебу егъинлуье везифегьо эри зевер сохдеи хэйрлуьи эн сухундение-энергетически комплексе эн Софун-Кавказски федеральни округе ве вервундеи энугьоре назари сохде.