Э Хуне хэлгъой Уруссиет э келе барасиревоз гирошди шогьири шев Романе Амирамове «Шогьири зиндегуни-2». Межлуьс бири э гуьнжо овурде Региональни жугьури миллетлуь-культури хуьшденрэхьбери Москови э кумекии Гуьрдноме догъи жугьургьо Москови, Фонде СТМЭГИ ве жерге екигегьо жэгIмиетие идорегьо ве СМИ.

Э межлуьс э жиге бири жэгIмиетлуье ве политикие корсохгьо, депутатгьо, бэхшвегиргьо СВО, рэхьберсохгьо жэгIмиетлуье идорегьо, хьуькуьм Хуне хэлгъой Уруссиет, раввингьо, корсохгьо культури, нушудорегоргьо жогьилие идорегьо.

«Имбуруз иму веровундейм э Хуне хэлгъой Уруссиет жирелуье шогьирие проект, веди сохдегор еклуьги эн имуре э омборемиллетлуье хэлгъой Уруссиет. Шев, э коминики иму нушу доре кумекии эн буьзуьрге Ватан иму ве эн иму гъовхобер, бэхшвегиргьо э жирелуье довгIои операци!»,- гуфдири Спартак Якушев, кумекчи Совети эки Президент Уруссиети Федерацие э гIэреймиллетие гъэножогъигьо, сернуьш совети Жугьури миллетлуь-культури хуьшденрэхьбери Москови.

Роман Амирамов нушу дори э кучмиш бирегоргьо тозе дестонгьо хуьшде, э комигьоки риз кешири вожиби еклуьги вилеет иму ве бирмунди кондуьллуье кумекии вегирлуье лешгерчи э пушолуье.

Межлуьс бегьемини бири чекечекгьоревоз ве хубе гофгьо гуфдиреи эз томошесохдегор. Э жиге бирегоргьо нушу дори разилуьи хуьшдере нушу дореи э гуьнжоовурдегор э минкини софо вегуьрдеи эз шогьирие шев Романе Амирамове ве форигъэти вегуьрде гьееки э уревоз эз нуботи дуьлгуруни миёнее рузгьо, юклемиши сохи э гIэжоиблуье гIуьлом шогьири.