Инсон, коминики э гьемме жуневоз хижолети кешири э товун дошдеи культурни мироси хэлгъ жугьургьой догъи.
Роман Савиевич Изьяев хьэсуьл омори 29-муьн январь 1940-муьн сал э шегьер Дербенд. Совети, уруссиети ве исроили возирегор, художественни рэхьбер, сценарист ве декоратор томоше жугьургьой догъи. Э омонети дореи э параменди ватанлуье томошелуье мэгlрифет ве омборесаллуье офиренуьше корисохи бэхшире омори орденевоз «Нишон гlуьзетлуьи»(1985).
Биненорегор ве художественни рэхьбер суьфдеи э жугьурие догъи зугьун томоше «Рамбам» э Исроил (2001-2017). У бирмунуши бири э томоше хуьшдеревоз э омборе шегьергьо Уруссиет, Исроил, Азербайджан, Канаде ве США.
Роман Изьяев бу 17-муьн сале, кейки мэгlлуьм-луье возирегор Ахсо Шалумове огол зери уре возире э томоше жугьургьой догъи
э шегьер Дербенд, чуь бири сергуьрдеи эну томошелуье зиндегуни. Кеиге у винири э е дербенди гlэруьси жогьиле серпои, комини-
ки томошелуь бирмунуши бири э пушой гъуногъгьо ве азадлуь бирмунди хуьшдере э сегьне. Эз у вэхд зиндегуни Роман Изьяев бири еклуьги э театревоз.
Э 1986-муьн те 2001-муьн сал, Роман Изьяев
бири сенигlэткор художественни рэхьберсохи жугьургьой догъи томошере э Дербенд, эже у возири серворлуье ролгьо э омборте томошегьо. Э верзуьши эз лой культуре у бири бэхшире оморе орденевоз «Нишон гlуьзетлуьи» ве гlуьзетлуье грамотгьоревоз.
Э 2001-муьн сал рафди э Исроил. Э исроили шегьер Хадера Роман Изьяев биненори жугьурие-догъи томоше «Рамбам», эже у
бу художественни рэхьбер, возирегор, сценарист ве декоратор. Э Исроил у нуьвуьсди дуь пьеса: (джуури: «Шуьвер се зени») – «Шуьвер се зени» ве (джуури: «Э хори бебе-
гьо») – «Худо борухо сохде Хори».
Э вэхд корисохи э томоше «Рамбам», Роман Изьяев э гуьнжо овурди рафдеи
томошере э омборе шегьергьо Исроил, гьемиге э риз серхьэди: э Уруссиет, Азер-
байджан, Канаде ве США. Э томошелуье дуьруьжде утогъ «Усдо – томоше» шегьер Бруклин, штат Нью-Йорк.
Томоше бирмунди гьовой музыкеи комедиё (джуури: «Хуьсуьр») – «Зенхуьсуьр» э пьеса азербайджани драматург Меджиде Шамхалове.
Роман Изьяев нори томоше эз ихдилотгьо
нуьвуьсдегор Хизгила Авшалумове (джуури: «Кишди хьомоли») – «Кишди Хьомоли» ве «Шими Дербенди», эже у возири рол Шими. Гьемиге нори ебоакти пьесагьо Михаила Дадашеве ве «Тологъ э Кавкази гуьро», эн нуьвуьсдегор Вячеславе Давыдове. Уре бу
метлеб норе эки 100-муьн сали юбилей прозаик, шогьир ве драматург Хизгила Довыдовиче Авшалумове еки эз гьемме хубте комедиёгьо классик – «Кишди
Хьомоли» («Кишди хьомоли»). Томоше коминики гирошди э келе барасиревоз 21-муьн январь 2017-муьн сал э Хадере.
Уре хьэз оморебу вогогьруши сохде е келме гоф: «Иму, возирегоргьо томоше «Рамбам», бердегоргьо ве дошдегоргьо гъовумлуье зугьун! Иму томоше комедиё миё бу доре одомигьоре шори ве хэнде!» Ве гье и
гофгьой эну гуьнжолуь бире гьэгъигъэтире. Э сегьне у мэгlрифетлуь бирмундени
енебуге бебей келе кифлете, енебуге мэхсеречи ве гьенегчи Шими Дербенди
енебуге мизрэхьэ мерде-шуьвер се зен.
Э 2017-муьн сал эз сереботи нечогъи Роман Изьяев миё бу гьишде сегьнере.
Муьрди Роман Изьяев 29-муьн апрель 2018-муьн сал э шегьер Ор-Акива, э Исроил.
