Э рамке миллетлуье проект «Инфраструктуре эри зиндегуни» э дуь рэхьгьо гировунденуьт коргьоре, эки сенгъ ёргири, телеф биретгьо э Келе довгlой Ватани. Э Гунибский дигьбон гировунде оморени гъуьчсохи э муьлк эз 0 те 6 километр рэхь «Мескен дарафдеи эз мошинирэхь “Гуниб – Кумух” эки дигьбон Мегеб». Э Хивский дигьбон э рэхь «Мамраш–Ташкапур–Араканский куьрпи» гировунде оморени гъуьчсохие коргьо э муьлк эз 30-муьн те 42,5-муьн километр.

Рэхь э Гунибский дигьбон бердени эки дигь Мегеб. У гьисди ватан дуь Игидгьо Союз Совети – Магомеда Гамзатова ве Магомеда Гаджиева. Э дигь гьисди сенгъ ёргири «Богъче Игидгьо» - архитектурни ансамбль, гьеммишелуьг э ёргири гьишдеи телеф бирегоргьоре э салгьо Келе довгlо Ватани ве э мескен СВО. Коргьо э суьфдеи 3 километргьо бегьем бири. Веровунде омори хории коргьо, зиёд фирегьсохи мошин рафдение бедел, гъуьчсохи гlовгировундеи ве рэхьи гъирбетонни дегуьрдеире (гьевел инжо бу энжэгъ гравийни дегуьрдеи). Э гье и жерге кор гьемиге дери муьхькем сохдеи обочингьо, оводу сохдеи эхиригьоре ве жигегьо э жирей гирошдеи, нореи чапарлуь сохдеи, рэхьи нуьшунгьо ве шекуьлкеширеи нишонегьо. Мундигьо 3 километр миё бу бегьем бире э эхир сентябрь 2026-муьн сал. Рэхьи корсохгьоревоз миё бу веровунде ухшешие коргьоре ве гъуьчсохдеи дуь куьрпи.

Э Хивский дигьбон желдлуь гъуьч сохденуьт рэхь «Мамраш–Ташкапур–Араканский куьрпи» э муьлк эз 30-муьн те 42,5-муьн километр. У бердени эки дигь Ашага-Архит. Инжо гьисди мемориальни комплекс, гlуьзетсохи совети лешгерчигьоре ве офицергьоре, телеф биригьо э Келе довгlо Ватани.

Гировунде омори чолеи гъуьчсохи гъирбетонни дегуьрдеире, веровунде омори бурра вегуьри гьисдигьоре, веровунде омори дуз сохдеи жерге ве тозе дегуьрдеи эз герме гъолинде хуьрдетэуьллуье месе гъирбетонни гъэруьшуьгъ. Э жейлее е тикегьо гировунде омори зофруи ве зевери жерге бинебору эз тебиети гъумлуье-месе гъэруьшуьгъ.

Гьемиге гировунде оморени коргьо э нореи гьовуни товгьо, эхиригьо ве жигегьо э жирей гирошдеи.

Согъ э рамке гъуьчсохи пушоки дире дануьсди зиёд гъувотдии гъирбетонни дегуьрдеире э тозеден гъуьчсохи э фирегьуни гуьре ве екиге гъузигьо, тозеден гъуьчсохи обочингьоре, гьемиге гъуьчсохи дуь куьрпи. Эзуш бэгъэй, гировунде миёв гъуьчсохи тротуаргьоре, остановкегьоре жэгlмиети мошингьо, нореи асанте бору, мэгlлуьмсохи сутунгьо, рэхьи нуьшунгьо ве шекуьлкеши уьфуьглуье нишоне. Э 2026-муьн сал везифе нори бегьем сохде 5,5 км рэхь, мундигьо 7 км э эхир сентябрь 2027-муьн сал.