Марат Хуснуллин дори сер гуьрдеи жуьмуьсдеи э тозе сохдеие муьлк федеральни рэхье p-217 «Кавказ» э Длогъисту. Вице-премьер Хьуькуьме Уруссиетие Федераци зуте межлуьслуь вокурди ве фегьм сохди ГIэрейхэлгъие жейлее бирмундеи «Рэхь-2025» э Ставропольски улке, гьемчуьн гъобул сохди бэхшвегири э жэгIмие гуьрдлеме.
Хьуькуьмевоз сохде омори э вэхд ю герек гьисдигьо везифе рэхьие корисохи э вэхд те 2030-муьн сал э пушокие фикиревоз те 2036-муьн сал. Зурие везифе – э овхьолет иловлеи зиёдсохи автомобилизацие, зевербиреи омборе гъэдере жуьмуьсдеи ве дилбоши могьлуьгъе миду пуре бэхшсохдеи э гъэд бинелуье туре, эри омборте одомигьо эн иму дануьсде э кор венгесде хубе рэхьгьоревоз ве хошие рэхьгьоревоз. Угьо кем сохде вэхде э рэхь, бесде шегьергьоре ве регионгьоре, зевер сохде секонеисуьзи рэхьие жуьмуьсдеире»,- гуфдири Марат Хуснулин.
Э гъэд вокурде объектгьо – дуь гъуьч сохде оморе муьлке P-217 «Кавказ» э Республике Догъисту. Рэхьие корсохгьоревоз гировунде омори дуьруьжде гъуьчсохи омборте 32 км федеральни рэхье P-217 «Кавказ»- вожиблуье беделе гIэрейхэлгъие транспортни сироре «Софун-Дорум».
Дразовуне гировундеи гье у рэхье э е гъэдер мескен Догъисту гуьнжуьнде 276 км – эз Чеченски Республике те серхьэд э Азербайджановоз. Илчи гьисди бинелуье бинелуье рэхьевоз эри гирошдение транспорте э вилеетгьо Закавказье ве бинелуье рэхьевоз эри дуьруьжде могьлугълуье жигегьо регионе.
Э корисохи гъуьчсохи муьлке э гIэрей Избербашевоз ве Дербендевоз зиёдте фирегъ сохди эз дуьдуь те чор ризгьо жуьмуьсдеире, чуьки гьишде гировундеи те 35 гьозор автомобильгьоре э шеви-рузи генеден юксохисуьз.
Зевер биреи риз гъэдерлуьире секонеисуьзире ве хушхьоле доре оморе э песой хьисоб бэхш сохдеие гьовуние рэхьгире асанте боруревоз, муьхькем сохдеи зулегьоре, вокурдеи екбиреире ве гирошдеи мескене э дуьимуьн рэхьгьоревоз, гьемчуьн гуьнжо овурдеи гирошдеие-зурие зулегьоре эри хубе фурамореир эки могьлугълуье жигегьо Герга, Новые Викри, Краснопартизанск ве Дружба.
Эзуш бэгъэй, э муьлк э гIэрей Хасавюртевоз ве Махачкалеревоз э гъэд дуьруьжде гъуьчсохи омборте хубте бири пеедегешдение инфраструктуре – дегиш сохде омори 44 бинегьо товушии, норе омори чор автобусни поисдеигьо э автопавильонгьоревоз ве хошхьолие жейлее чапарлуье мескенгьоревоз эри нуьшдеи, вокурде омори рэхьгьо пеедегешдение жигегьо, комики зевер сохди секонеисуьзире ве хушхьоли зигьисдегоргьоре куьнде могьлогълуье жигегьоре.
«Иму омбор сохдейм эсер овурдеи э гуьнжолуьи федеральни, региональни рэхьгьоре э шегьерие жейлее чапарлуье мескенгьо. Оммо гене омбортее бедел муниципальни рэхьгьоре гереки сохде гъуьчсохи. Гье у доре оморе жирелуье тигъэти э миллетлуье проекте «Инфраструктуре эри зиндегуни»
