Бэгъдовой межлуьслуье вокурдеи чигьрет эн игид эн жирелуье гъовхолуье операцие Нариман Шихалиеве э мескен эн кадетски корпус сервор республике Сергей Мликов гьееки э десдеревоз рафди э вокрденигьо мескен эн мибугьо богъче «Патриот» э Дербенд.

И келе проект э шегьер э кор венгесде оморени э гъуллугъ эн сервор регион гуьре ве мие бу вожиблуье меркез эн лешгерие-ватанхогье несигIэтдореи жовонгьоре, жиге омореи эн зигьисдегоргьо ве эн гъуногъгьой шегьер. Э объект гировунде оморени коргьо: дешенде омори биней богъче, хьозуьр сохде оморени жигегьо эже норе миев бирмундеигьо.

Сергей Меликов фегьм сохденки мескене э рэхьбергьой шегьеревоз ве э нушудорегоргьой эн вокурденигьо идорегьоревоз пуьруьш сохди гирошденигьо овхьолет коргьоре, минкингьой параменд сохдеи богъчере ве плангьой оводу сохдеире. Жейлее тигъэт доре оморебу песдеине коргьой оводу сохдеи экуьнди гьисдигьо мескене ве э параменд сохдеи инфраструктурере, комики богъчере мие соху хуб эри гьемме одомигьой эн гьемме гIуьмуьрлуьги.

Бинелуье гъосуьт эн гуьрдлеме бири пуьруьшсохи тозе экспонавтгьоре, комигьоки пур мисоху богъчере «Патриот». Гуфдире оморени э товун зиед сохдеи жигегьой бирмундеигьоре, нореи нишонегьой эн лешгерие техникере ве э гуьнжо овурдеи интерактивни жигегре, минкин мидугьо шинох сохде жовонгьоре э торих вилеетевоз ве э игидигьой эн гъэлхэндчигьой Ватаневоз.

Тарафгьо фегьм сохдет пуьрсуьше э товун вэхдгьой бегьем сохдеи коргьоре ве минкингьой вокурдеи богъчере э и куьнде вэгIэдо. Сервор республике ведомствогьоре дори гъуллугъ зуте сохде коре ве бирмунде егъинлуье фикиргьо э товун песини вэхд вокурдеи ве мжлуьслуь вокурдеи богъчере.

Богъче «Патриот» э Дербенд мибу неки жигей хьуьрмет сохдеи игидгьой эн гирошдигьоре ве эн гьеймогьинере, оммо гьемчуьн зинде жиге эри несигIэтдореи келе биренигьо эрхэгьоре, эже э гьэгъигъэтлуье нишонегьо несигIэт доре мугьбете эки Ватан ве мерэгъэ эки торих эну.