Эз вэхд зутее гуьрдлеме гIэрейидорее корисохие десдегьо эсер пуьрсуьшгьо э кор венгесдеи деи ТКО бири э Догъисту.
Э у гъобул сохди бэхшвегири сервор Догъисту Сергей Меликов, жигегир рэхьбере хьуькуьме эн серкорире вице-премьер Хьуькуьме РФ Джамбулат Хатуов, сервор Уруссиетие экологически операторе Ирине Тарасове, рэхьбергьо министерствегьо ве идорегьо республике.
Бинелуье гъосуьтевоз пуьруьшсохире бири корисохи веровундеи проектгьоре э корисохигьо э кор венгесдеи э ТКО.
Те сер гуьрдеи гуьрдлемере корсохгьо фегьм сохди гьемме вокурде оморигьо э республике объектгьоре э у гъэдер жигегьоре хокоруре бэхшсохдение гуьрднемегьоре «Хасавюрт», «Махачкале» ве «Дербенд», гьемчуьн полигон э Махачкале (Тозе Урада). Гъэдэгъи фегьм сохдеи корисохире дегишбиреи э кор венгесдеи э хокоругьоревоз вице-премьер э гуьрдлеме дори Дмитрий Патрушев.
Сервор регионе бирмунди, чуьки Догъисту доре дорени жирелуье тигъэти пуьрсуьшгьоре э кор венгесдеи э ТКО. Четинигьо э гьисдигьо кормсохи имуре бири омбор, ве гьемме угьо вечире омори салгьоревоз.
Эз 2021-муьн сале э республике сер гуьрди гуьнжолуьи инфраструктурере, комикигьо зуте не бири.
Суьфдеи пойнореиревоз бири э кор венгесдеи жигее гуьнжолуьи. Э регион берде оморе вокурдеи пенж объектгьо: сесе хокоруре бэхшсохдеие гуьрднемегьо ве дуь полигонгьо. Ек полигон гъувотлуьиревоз 300 гьозор тонн ТКО э сал бири вокурде э 2024-муьн сал. Э чор объектгьо эз шеши доре омори 8,4 млрд монет эз федеральни бюджете.
Э гуьнжо овурде бегьемие гъэдер контейнерни жигегьо. Э и войгегьо мунитипалитетгьоревоз дешенде омори омборте 160 млн монет, э хуьшде вогосунде ве бурунебюджетни минкинигьо.
«Не денишире э гировунде оморе коргьо, омборе пуьрсуьшгьо чоресуьзи гъэрор норе инжо ве гьейсэгIэт. Э гье у талаб сохде вэхде. Ве ме согъбоши гуфдиреи ишмуре э песой доре кумекии»,- руй бири С.Меликов эки федеральни рэхьбергьо.
Жигегир рэхьбере хьуькуьме эн серкорире вице-премьер Хьуькуьме РФ бирмунди вожиблуье параменди республике ве риз кешири, чуьки федеральни бине хьозуьр доре корикумекии доре э веровундеи миллетлуье проектгьоре. Э гофгьой энуревоз, бэгъдовой дешендеи и объектгьоре Догъисту мибу неки еки эз серворгьо э Кавказе, оммо ве э вилеет эсер риз гъэдерлуьи гьеймогьоине инфраструктуре.
Ёгъинлуье мэгIлуьмети эсер гъэдергьо гъэрорноме норе везифегьоре шинох сохди жигегир сернуьше Хьуькуьме РД Н.Абдулмуталибов.
