Сервор Догъисту Сергей Меликов гировунди гуьрдлеме гlэрейидореи корисохие десде э гъэрорноме пуьрсуьшгьоре э коргьой руйбиреи э ТКО.
Бинелуье гъосуьт бири э гуьнжолуьи ве хьозуьрлугъи герекие гъэдер контейнерни мейдунгьо э шегьерие рэхьберисохигьо.
«Эз ек лой э республике омбор сохде оморе эсер гуьнжолуьи тозе системе руйбреи э ТКО, вокурде оморе тозе корхонегьо ве мейдунгьо. Гьеммееки э уревоз гьисди пуьрсуьшгьо эки гуьнжолуьи контейнерни мейдунгьо ве э гуь-
нжо овурдеи ведебердеи хокоруре»,- руй бире Сергей Меликов эки гьемме жугьобдорлуьигьо э песой жирей корисохи.
Чуьтам бирмунде рэхьбер минтебиете Догъисту Ратмир Расулов, э 2025- муьн сал муниципалитетгьо пушоки дире дануьсдеи 164 млн монет э хьо-зуьрлугъи контейнерни мейдунгьо.
Э е ченд муниципалитетгьо гъэдер
контейнерни мейдунгьо нисе гуьнжуьсде э герекие доруние гъэдер эри район.
Унегуьре Минтебиете Догъисту э кор венгесде гъэдерлуье рэхьие мегьинее везифегьо гуьнжолуьи контейнерни мейдунгьоре ве бирмундеи пуледореире.
Э товун минкини пуледореи корисохигьо эсер гуьнжолуьи ве хьозуьрлугъи контейнерни мейдунгьо ТКО э песой хьисоб муниципальни бюджетгьо гуфдири жигегир министре пулгьоре регионе Шамиль Дабишев.
С. Меликов гъэдэгъэ зери гирде гьеммише э фегьмсохи пуьрсуьше гуьнжолуьи контейнерни мейдунгьоре э шегьергьо ве районгьо. Гьисдигьо эн угьоре, э ёровурди сервор регионе, биё бу вожиблуье игъролевоз эсер везифе нореи ве вокурдеи тозе объек-
тгьоре. Эзуш бэгъэй, контейнерни мейдунгьо биё бу дешенде э нуботноме контейнерни мейдунгьо муниципалитете, норе э кадастрови хьисоб, хорие муьлк э зир эну биё жугьоб доре талабире Роспотребнадзоре.
«Технике контейнерни мейдунгьоре
гереки сер гуьрде эз дуьруьжде могълугълуье жигегьо, эже угьо омборте гереки. Вожиби э норе везиферевоз гъэрор норе пуьрсуьшгьоре, гировунде фегьмсохи гьисдигьоре, комини биё бу дузгунлуье. Энжэгъ умогъой иму мида-
ним дегиш сохде гъозиере», — гуфдири
рэхьбер республике.
Э гуьрдлеме серворгьо муниципалитетгьоре хэбер дореи э товун гьэгъигъэтлуье гъозие коргьоре э е гъэдер мескен эн угьо.
Сергей Меликов э ёр овурди э угьо:
«Пуьрсуьшгьо вокурдеи объектгьой ТКО – мейдунгьоре ве корхонегьоре — жугьобдорлуьи республикани идорегьой хьуькуьме. Э жейлее чапарлуье мескен жугьобдорлуьи муниципалитетгьо – гуьнжолуьи контейнерни мейдунгьоре. Эз жугьобдорлуьи эн ишму межбур биреи бараси гьеммей республике, гьевел, э бедел экологически гъозие э регион».