Сернуьш Хьуькуьме РД Абдулмуслим Абдулмуслимов гировунди вохурдеире э оморе расирегоревоз э корие омореиревоз э Догъисту серворевоз Департаменте хоригъуллугъсохире Министерстве хозяйствой дигьбонире Уруссиетие Федерацие Артёме Коровиневоз.

Гье у дуьимуьн омореи рэхьбере департаменте федеральни министерстве э песой вэхд, кейки э республике мэгIлуьм сохде омори системе терслуье гъозие.

Э вохурдеи гьемчуьн гъобул сохди бэхшвегири сервор ФГБУ «Рэхьбери «Дагмелиоводхоз» Магомед Юсупов.

Бинелуье тигъэти э корисохи суьгьбет игъролбесдеигьоре бири дореи овхьолете объектгьоре хорире оводу сохдеие комплексе республике ве гереклуьи системни овурдеи угьоре э гъэдерлуье овхьолет.

Бэшгъэ пуьруьш сохде омори пуьрсуьш фегьмсохи ве э гуьнжо овурдеи ихдиёригьоре э сэхьибсуьзе хорире оводу сохдеие объектгьо.

Гирошдигьо батмишигьо бирмунди зобуне корисохи чуьтам э хоригъуллугъсохие жигегьо, гьечи ве э объктгьо хорире оводу сохдеи инфраструктуре. Хорире оводу сохдеие тургьо гъобул сохдеи э хуьшде коргьой сайловие канализацие, чуь нисе хьозуьр бире э проектни гъэдергьо эну. Э гъонине вэхд хьозуьр сохде омори нуботноме буланмиши кеширее объектгьоре э герекие хьисоб сохдеигьоревоз ве фикиргьоревоз. Доре омори серсуьфдеинее гъиметдии бедхэржире, комики овурди э хорире оводу сохдеие комплексе регионе.

А.Абдулмуслимов хубе гофгьо гуфдиреи Минсельхозе Уруссиете э песой гъобул сохдеи бэхшвегирире э четинигьо Догъисту ве зурие кумекии дореи. Э и орине э республике овурди суьфдеи бедел гидрозатворгьоре, комики фуьрсоре омори Минсельхозевоз Уруссиете эри нисдсохи эзуновлейге бире гъозиере батмишире ве хьозуьрлугъи гидротехнически дуьруьжде  вокурдеигьо (ерхгьоре ве коллекторгьоре) эки гье белки батмишигьо. Гьемме э регион мибу овурде омборте 100 еки технике.

Себэхь э Хьуькуьм РД мибу зиёд фирегьсохие гуьрдлеме э бэхшвегириревоз нушудорегоргьой Минсельхозе РФ ве рэхьбергьой гьеммей региональни хоригъуллугъсохие идорегьо.