Гуьрдлемей эн Хьукуьм Догъистуре гировунди премьер-министр Абдулмуслим Абдулмуслимов. Э гуьрдлеме пуьруьш сохде оморебу пуьрсуьшгьой ниссохи эзуновлейге бире гъозиегьой эн сайловгьоре ве хьозуьрлуьгъи эки вэхд сафари. Сервор эн кабинет министргьо гуфди, ки гьемме эзуновлейге бире гъозиегьо эн сайловгьо мие нисд сохде те омореи сафарчигьо, оммо санитарни овхьолет эн мэгIлуьмлуье жигегьо – оводу сохде омори. Жейлее тигъэт доре омори э гуьнжо овурдеи вечиреи ве ведебердеи хокоруре, жейле экуьнди эн жэгIмиетлуье жигегьой хурекхури.
Премьер-министр гуфди, ки сафарлуье отрасль зевер бирени: э 2025-муьн сал э республике омори экуьнди 2 млн сафарчигьо, оммо гъэдер эн сафарлуье гъуллугъгьо зевер бири эз 23,5 млрд монетгьо. Э гофгьой эн А.Абдулмуслимов гуьре, зевер биренигьо мерэгъ эки Догъисту талаб сохдени неки зиед сохдеи гъэдер объектгьоре, оммо гьемчуьн зевер сохдеи гъоимлуьи энугьоре.
Тозеден вокурдеи инфраструктурере ве хьозуьрлуьгъире эки вэхд
Министр э товун сафари ве эн хэлгъие шекуьллуье мэгIрифетгьо Эмин Мерданов мэгIлуьм сохди, ки эки эхир май гье гене миев омбаре сафарчигьо. Не денишире э гьелелуьгее четинигьо, ологълуь гьисдигьо э гьовой рузгоревоз, гьемме вожиблуье объектгьой эн инфраструктуре – аэропорт, федеральни рэхьгьой мошингьо, гъуногъхонегьо ве сафарлуье мэгIлуьмлуье жигегьо – кор сохденуьт гьеммишеинере хуно. Оммо э даннигьо эн туроператоргьо гуьре, э куьнде мегь гье белки кем мибу гъэдер сафарчигьо э сереботи дебе сохдеи сафаригьоре, оммо эки бинелуье вэхд бирмунушигьо вогошде миев эки планови бирмунушигьо.
Э.Мерданов ихдилот сохди э товун фегьм сохде оморигьо сафарлуье жиге; э омбаре объектгьо зарали зере не омори, оммо э е жерге жигегьо, меселен, э богъче э нум Низами Гянджеви ве э дигь Гамсутль, зарали зере оморебу ве мурдал биребу, комигьоки нисд сохде оморени. Э шэхшэхэгьо Салтински ве Ханагски нисд сохде оморени эзуновлейге бире гъозиегьой эн сайловгьо.
Параменди ве кумеки дореи сафарлуье проектгьоре
Э 2025-муьн сал эри параменд сохдеи сафарлуье жигегьоре эз бюджет доре оморебу экуьнди 60 млн монетгьо. Э кор венгесде омори проектгьо э Гунибски, Унцукульски, Дербентски, Хунзахски, Сулейман-Стальски ве Агульски районгьо ве гьемчуьн э Махачкале. Э хьисоб эн веровунде оморигьо коргьо – капитальни гъуьчсохи музее э Табасарански район, оводу сохдеи жигей нореи мошингьоре ве пееде гешденигьо рэхьгьоре, э гуьнжо овурдеи сафарлуье мэгIлуьметие меркезе э шогьнишон республике, гьемчуьн параменд сохдеи мэгIлуьмлуье объектгьоре э Хунзахски район.
Зевербиреи гъэдер эн бэхш сохде оморигьо объектгьо
А.Абдулмуслимов гуфди э товун гъонунлуь сохдеи объектгьой сафарире: гъэдер эн бэхш сохде оморигьо объектгьо зевер бири э 89% ве расири э 374 тек, оммо гъэдер идорегьо, эхире хьисоб сохденигьо э жирей 1-КСР, зиед бири э 50% ве гуьнжуьнде омори 588 объектгьо. Премьер-министр гъуллугъ дори назари сохде гуьнжуьсдеи гъуногъхонегьоре ве гъуногъхонее хунегьоре э гьемме талабигьой секонесуьзи ве гировунде фегьмсохире.
