Эз 24 гьозор одомигьой Догъистуре омбарте, зараливегуьрдегоргьоре эз сайловгьо рулгьо доре омори.

Сервор эн бинелуье идоре «Миллетлуье меркез рэхьбери сохдеи э зобуне овхьолет» эн МЧС Уруссиет генерал-лейтенант Анатолий Елизаров гировунди гуьрдлемей эн хьуькуьметлуье комиссиере э товун кор нисд сохдеи эзуновлейге бире гъозиегьой эн сайловгьоре э Республикей Догъисту ве э Чеченски республике.

Э гуьрдлеме бэхш вегуьрди веровундегор гъэрхундигьой вице-премьере Рамазан Джафаров ве рэхьбергьой эн органгьой веровунденигьо хьуькуьм.

Э Догъисту гъуьч сохде омори гьемме системейгьо эри хубе зиндегуни одомигьо.

Гьемме э регион пулгьо доре омори эз 24 гьозор зараливегуьрдегоргьоре омбарте, эзугьо э е шеви рузи – 1451 одоми.

Гъиметдие комиссие фегьм сохдени хунегьоре эри дануьсде гъэдер зере оморигьо заралире. Эри е шеви-рузи э Догъисту фегьм сохде омори 718 хунегьо. Кор диеш гировунде оморени.