Пулгьой дедеире г1эмел миёв хэржи сохде э вокурдеи зигьисдение хунегьо эз эскроу-хьисобгьо. Ижире дегишире эки гъонунпроект э товун дешендеи механизме эскроу э ИЖС э эхирлуье хундеи гъобул сохди Хьуькуьметлуье Думе.

Пулгьой дедеире енебуге е бэхш энугьоре г1эмел миёв фуьрсоре э хьисоб эскроу, вегуьрдегор комики гьисди жирелуье корсохдегор.

Гьечи э Уруссиет хьэсуьл овурде миев системе, э комики одоми игърол бесдени э веровундегоревоз эри вокурдеи хунере, оммо пулгьо фуьрсоре миев э жейлее хьисоб э бонк, эже угьо дошде миев те вокурдегор ни веровуну егъине гъэрверовундегор ёгъине гъэрхундигьой хуьшдере э игърол бесдеи гуьре. Ижире жирей гъэлхэнди ихдиёри бэхшвегиргьо вокурдеи кори сохдени вокурденки омбаретебегъэе хунегьоре э г1эрей  214-ФЗ.

Э гуьрей тозе гъонунпроект веровундегоре биё бу аккаунт э Еклуье хэберлуье системей вокурдеи хунегьоре (ЕИС ЖС), ве разименди бире э бонкевоз. Эзуш бэгъэй, гереки э кор венгесде проектни когъозгьоре ве домокомплектгьо эн ватанлуье корхонегьо, оммо мэг1луьмети э товун хунегьо мие дешенде биев э ЕИС ЖС.

Пулгьой дедеире, дешенде оморигьо э хьисобгьой эскроу, мибу дошде нисе омборте 10 млн монет.

Эзу зуте мэг1луьм сохде оморебу, чуьки Бинелуье бонк ве Идорей гъэлхэнд сохденигьо пулгьоре пуьруьш сохденуьит минкин  зевер биреи дошдеи пулгьоре дегуьрде хьисобгьо эскроу э сереботи зевер биреи гъимете э сер хунегьо.

Гьемчуьн э эхир май Сбер сер гуьрди доре ипотекере эри ИЖС э эскроу. Ижире механизм гъэлхэнд сохдени мерэгъгьой восторегоргьоре: эгенер вокурдеи дураз кешире омоге енебуге веровундегор луьт бире, хогьишидорегор мидану вегуьрде пулгьо хуьшдере.