Сернуьш Хьуькуьм Догъисту Абдулмуслим Абдулмуслимов 27-муьн май гъобулсохи бэхшвегири э гуьрдлеме Совети регионгьо Уруссиети Федерацие ве Республике Узбекистан. Гуьрдлеме Совети регионгьо Уруссиет ве Узбекистане гирошди э рэхьбери лидергьо дуь вилеет – Владимире Путине ве Шавкате Мирзиеве.

Гъосут гировундеи гуьрдлеме Совети бири зиёд фирегьсохи кор гьемкори э гIэрей регионгьо дуь вилеет, зиреклуье иловле ве идорегьо.

26-муьн май Сернуьш хьуькуьм Догъисту Абдулмуслим Абдулмуслимов гировунди вохурдеи э премьер-министревоз Республике Узбекистане Абдулле Арипове. Вохурдеи гирошди э Хьуькуьмлуье Хуне шегьер Ташкент.

Догъисту ве Узбекистан гьисди зутеине дуь э еки корсохдегор, э гIэрей республикгьо э кор венгесде омори молфурухи, ве угьоре войге гьисди зиёд сохде. Э бинелуье нуботноме моле э де вилеетиге бердеи дарафдени шише ве мол эз шише, жэгI, емишгьо, эз хэми сохде мол ве диеш.

Эз лой узбекгьо нушу дори менфигIэт э кошдеи шивлей дори онгур э товун, чуь э хотур параменди э у хьисоб вокурдеи богъ э Сулейман-Стальски дигьбон, Догъисту э 2023-муьн сал ведарафди э хуьшденрасундеи шивлей дори онгуре.

Эз лой Догъисту фикире гуфдири э товун гьемкори э жире мол молведешендеи:

«Мол молведешендеи, гьемиге духдение-трикотажи ветэгъэ э экономике Узбекистане гуьрдени лап вожиблуье жиге. Э песини дегьисалигьо и жире молведешендеи инжо гирошди рэхь эз хоме мол бине те еки эз вожиблуье фуьрсорегор моле э де вилеет хубтее моле. Э хьисобевоз гьисдигьо минкине э Догъисту ве гьисдигьо жире кор кумекии веди бире хубе рэхь зевербиреи э товун гуьнжолуьи дуь эекиревоз молведешендеи»,- гуфдири Абдулмуслимов.

Э гъэдер дуь эекиревоз проектгьо гьердуь республикгьо гьемиге дарафдени э гуьнжо овурде оморигьо уруссиети-узбекии корхоне ООО «ASADBEK GLASS FIBER» э товун молведешендеи текстиле шишеволокне. У коре мибу сохде э мескен Узбекистан ве э гуьнжо оморе дуь эекиревоз э Догъистуни ООО «Каспийскеи корхоне шишеволокнеи». Бинелуье хоме мол – шишепуфдеди ШСЕ-9 – мибу фуьрсоре дуь эекиревоз корхоне уруссиети молведешендегор ООО «Каспий Гласс», дарафденигьо э десде «Каспий Композит»,- коминики гьисди э шегьер Догъистуни Огни Республике Догъисту. Эри хуьшденрэхьбери корхоне шишеи мол ве вокурде оморение тур э шишеи русму десде «Каспий Композит» эри герек гьисдигьо дуь эекиревоз корхоне поюнди жирелуье технике. Э гьонине вэхд гировунде оморе кор э товун гуьрдсохде ве сер гуьрде гъуьчи.

Э рамке вохурдеи пуьруьшсохи пуьрсуьшгьо песдеине веровундеи проекте, дануьсде расундеи вожиблуье гъэдер э кор венгесденигьо э корхоне мол.

Э арти вохурдеи эз гьердуь ло расири игъролноме э песдеине корсохи дуь эекиревоз э товун фегьм сохде рэхь кори.

27-муьн май А.Абдулмуслимов вохурди э министревоз хозяйство дигьбони РФ Оксаной Лут.

Вохурдеи гирошди э шегьер Ташкент э рамке бизнес-хурек себэхьмундеи э бэхшвегири жигегир премьер-министре Узбекистане Жамшиде Ходжаеве ве серворе Минэкономпараменди РФ Максиме Решетникове. Бизнес-хурек себэхьмундеи э гуьнжо овурди э рамке зиреклуье программе гуьрдлеме Совете регионгьо Уруссиет ве Узбекистан.

А.Абдулмуслимов омборекбу сохди Оксане Лут э нореи э гьуьндуьре хьуькуьмлуье жиге, согъбоши гуфдири э товун гьеммишеине кумекии Догъисту э параменди хозяйство дигьбони, дорение Минхоздигь Уруссиет.

Гуьрдлеме Совети регионгьо Уруссиет ве Узбекистане гирошди 27-муьн май э рэхьберсохи лидергьо дуь вилеет Владимир Путин ве Шавкате Мирзиеве. Догъисту э гуьрдлеме нушу дори Сернуьш Хьуькуьм РД А.Абдулмуслимов.

Эз лой Уруссиет э форум гъобулсохи бэхшвегири омборте 20 губернаторгьо, рэхьбергьо федеральни министерство ве хьуькуьм. Гъосут гировундеи гуьрдлеме Совети бири зиёд фирегьсохи кор гьмкори э гIэрей регионгьо дуь вилеет, зиреклуье иловле ве идорегьо.

Э гьонине вэхд э риз гъэдерлуьи регионгьо э кор венгесде зиёдте 200 дуь эекиревоз проектгьо э чор миллиард долларгьо. Эзуш бэгъэй, регионгьо хьозуьр сохди тозе пакет разименди э пенж миллиард долларгьо.

Президент РФ Владимир Путин, э нубот хуьшде. ГIуьзет сохди, чуьки регионгьо гьисди вожиблуье жиге э муьхькем сохдеи гъэножогъи гьемжэгIмие жире кор дуь эекиревоз э гIэрей Уруссиет ве Узбекистан. Дебердени вожиблуье омонети э параменди гьемме десде эн иму гъэножогъи. Э гъул кеширеи э рамке Совети хьозуьр сохде омори гене омборте 20 разименди ве зиреклуье контрактгьо, гъосут коминики э у хьисоб гьисди э параменди дуь эекиревоз алвари ве пул расундеи.

«Эри пул расунде э вожиблуье проектгьо, э кор венгесде оморигьо э Узбекистан, э бэхшвегири регионгьо дуь вилеет эекиревоз э гуьнжо овурде жирелуье пул расундение фонд жэгIмие доруние гъэдеревоз 500 млн долларгьо.

Уруссиети ло хьозуьрлуьи деберде хуьшдени бэхше, бэхш эн иму гуьнжуьндени 400 млн долларгьо. Гье у овгъотгьо коминики мибу фуьрсоре э жире-бе-жирее кор гьэгъигъэтлуье жейлее жиге экономике республике»,- гуфдири В.Путин.

Э рамке гуьрдлеме бири гировунде жире кор гъул кеширеи Разименди э гIэрей Хьуькуьм Республике Догъисту Уруссиети Федерацие ве Хокимияте Наманганске областе Республике Узбекистан э товун алвари-экономикие, гIилми-техникие ве социальни-культурие корсохи дуь эекиревоз. Э куьндлуье вэхд мибу э гуьнжо овурде э пушо норе жире кор.

Гье у руз бири гировунде жире кор гъул кеширеи Разименди э гIэрей Хьуькуьм Республике Догъисту Уруссиети Федерацие ве Хокимияте Бухарие областе Республике Узбекистан э товун алвари-экономикие, гIилми-техникие ве социальни-культурие корсохи дуь эекиревоз, зутеине хэёл сохдеи корсохи дуь эекиревоз омборе вэхд корсохи эри э жиге овурдеи гIэрейхэлгъие ве бурунееэкономикие гъэножогъи э гIэрей лойгьо. Гъул кеширеи разименди гировунде омори э сэхьрогьо Совети регионгьо Уруссиети Федерацие ве Узбекистане э Ташкент э жиге бире суьфдеи вице-премьере Хьуькуьм РФ Денисе Мантурове.

Эз гьемме ло игърол бесди э товун дуь э еки кумеки сохдеи э хозяйствой дигьбони жиге кор, дуь э еки хэйре фуьрсореи хоригъуллугъсохие мол ве мэхьсуьл хурекхури.

Эри Догъисту, гирошдигьо форум,вокурдени тозе зевербиреи. Чуьтам э экономикие план, гьечи ве екиге отрасльгьо сэхьиблугъи.