Сернуьш Хьуькуьме Республике Догъисту Абдулмуслим Абдулмуслимов гировунди гуьрдлеме идорере Несиете э сер Сервор РД э зурие параменди везифелуье корисохире э Республике Догъисту.
Э гирошденигьо сал гье у уже сеимуьн гуьрдлеме идорере Несиете.
Бэхшвегиргьо пуьруьш сохди веровундеи миллетлуье проектгьоре э е гъэдер мескен регионе ве барасигьо норе бирмунушигьоре. Премьер-министр гуш дошди мэгIлуьмети рэхьбергьой министерствегьо ве идорегьо э товун игъроле ве берекетлуье шинох биреи бюджетни пулгьоре, комики пушоки дире дануьсдеи э веровундеи миллетлуье проектгьоре э 2025-муьн сале.
Республике Догъисту бэхшвегири сохди э 12 миллетлуье проектгьо эз веровундеи 42 региональни проектгьо, эз комики э гьемме зутеинехэёл сохдеи пуледореи. ЖэгIмие доруние гъэдер овгъотгьо э 2025-муьн сал гуьнжуьнде омборте 23 млрд монет.
Чуьтам бирмунди А.Абдулмуслимов, эсер овхьолет э сергири ноябрь жэгIмие процент шинох биреи овгъотгьо э гьемме миллетлуье проектгьо гуьнжуьнде эки 80 %.
Эри бемзери, э 2024-муьн сале э ижире руз ве сал кассе гуьнжуьнди 75,7 %, гъозие э и сал э шинох биреи бири кем хубте. Гьееки э хубе барасигьоревоз, э корисохи веровундеи жейлее миллетлуье проектгьоре веди бирени гIэйбигьо, э товун комикигьо иму имбуруз гоф мисохим. Гьемме бирмундегоргьоре хосденум э зир разименди бирмунде гъэдергьоре ве вэхде веровундеи гъэдэгъэгьоре, комики мибу э гуьнжо овурде имбуруз э артиревоз мэгIлуьметигьо эн ишмуревоз»,- гуфдири Сернуьш Хьуькуьме.
Бири бирмунде, чуьки э гъэд веровундеи региональни проектгьоре э 2025-муьн сал сер гуьрди гировундеи вокурдеи, тозеден вокурдеи енебуге гъуьчсохи 315 объектгьоре, дешенде дуьруьжде гъуьчсохи 76 медицинеи идорегьо, хубте биреи 134 жэгIмие жигегьо, вокурдеи 4 объектгьо дуьруьжде гIоведореигьо, гъуьчсохи 23 авторэхьгьо, дуьруьжде гъуьчсохи 9 школгьо ве 2 дуьруьжде вокурдеи вузе, вокурдеи шеши бохчей гIэилигьо ве екейгегьо. Э
Абдулмуслим Абдулмуслимов гьемчуьн гуфдири вожиблуье везифере эсер гьеймогьоине дореи овгъотгьоре объектгьоре, комикигьоре гереки вокурде, тозеден э хуьшде дировунде, гъуьчсохи э гъэд веровундеи миллетлуье проектгьоре.
Э гуьрдлеме бири гуш дошдеи мэгIлуьметигьо рэхьбергьой республикански Минэкономпараменди, Минвокурдеи, Минздраве, Минсафари, Минсельхозе ве Идоре э предпринимательстве ве пуледореигьо РД.
Э гуьрдлеме гьемчуьн бирмунди суьфдеи вице-премьер Руслан Алиев ве рэхьбер Счётной палатыРД Билал Джахбараов.
Риз кешире омори гереклуьи эз гъонун не ведарафдеи овурдение идорегьоревоз везифере веровундеи коргьоре ве дошдеи везифелуье е гъэдер вэхд дешендеи объектгьоре дуьруьжде вокурдеире э кор венгесде, норе оморе э разимендиревоз, бесдеи игъроле э федеральни идорегьоревоз веровундение хьуькуьме.
Э артиревоз гуьрдлемере идоре Несиете гъобул сохде омори разименди э гъэдэгъэгьоревоз.
