Суьфдеи жигегир Сернуьш Хьуькуьм РД Руслан Алиев вохурди э оморегоревоз э Догъисту э корисохие омореи суьфдеи жигегир Министр жофоре ве социальни параменди РФ Ольга Баталина.

Э пуьруьшсохи гьемиге гъобул сохди бэхшвегири вице-премьер Абдурахман Махмудов, рэхьбергьо профильни органгьо хьуькуьм веровундение кор.

Э вэхд вохурдеи пуьруьш сохде омори пуьрсуьшгьо э кор венгесдеи э регион жейлее пуьрсуьшгьоре хьуькуьмлуье социальни политике.

Э у хьисоб гуфдире омори э товун социальни кумекии бэхшвегиргьо жирелуье довгlои операцие ве кифлетгьо угьоре, э товун гировундеи гъуьчсохи социальни жигегьоре э республике, э у хьисоб э рамке миллетлуье проект «Кифлет», э товун системе омборевэхди гъуллугъсохи ве э кор венгесдеи хьуькуьмлье хэлгъиве кифлети политике.

Бири гlуьзет сохде оморе, чуьки э мескен республике миё бу вокурдеи Бинелуье мескен медициние хоссохи эри бэхшвегиргьо СВО э гъуллугъсохи э жигегьоревоз гъувотлуьи 150 жиге. Гье и пуьрсуьш гьисди э фегьмгери хуьшдени Сервор РД Сергей Меликов. Эри вокурдеи бинелуье мескен офде вихде омори хории муьлк.

Чуь э товней параменди системе омборевэхди гъуллугъсохи э Республике Догъисту, гьисдигьо проект э кор венгесде омори э регион эз сентябрь 2023-муьн сал. Э 2024-муьн сал омборевэхди гъуллугъсохи э Республике Догъисту бири гьемме э назар вегуьрде 230 одомигьо келете гlуьмуьрлугъи ве шуькестгьо.

Э 2025-муьн сал э рамке федеральни проект «Келете эрхэ» миллетпроекте «Кифлет» э регион социальни гъуллугъ э гъуллугъсохи э жире социальни гъуллугъсохи э хуне гьовои вегуьрде мидануь 241 одомигьо, э песой коминигьо гъуллугъ сохдени 132 кумекии сохдегор э гъуллугъсохи. Гьемме кумекии сохдегор э гъуллугъсохи гирошди хундеире э сенигlэткорлуье программе «Кумексох э гъуллугъсохи».

Гlуьзет сохде, чуьки э рамке омореи э Республике Догъисту Ольга Баталина гъобул сохде бэхшвегири э кор Гlэрейрегиональни пеймунде оморе семинар-гуьрдлеме «ПНИ – Фирегьуни Тозе Хэёл», комини сергуьрде э Махачкале.