Сервор Догъисту Сергей Меликов

Омбаракбу сохденуьм зигьисдегоргьой республикере, эри ки куьнди гlэдотгьо жугьургьо, э мигlид Хьэнукоиревоз.

Э и мигlид гьеммише дегесунде оморени шэгlмгьо, вохурде оморени э гъовумгьоревоз ве э куьнде одомигьоревоз, руйбиреним эки бинегьо. Э гlэрей гьозорсалигьо торих Хьэнукои риз кеширени вожиби дошдеи миллетлуье ве динлуье гlэдотгьоре, бирмундеи имидире э хубтее, бараси товуше э сер торики, герми ве рэхьми дуьлгьоре. Вожиблуьи бирмунде келе кор жэгlмиет дин-догlоти эн жугьургьой Догъисту э тозеден сохдеи динлуье культуре, муьхькем сохдеи гlэреймиллетлуье ве гlэрейдинлуье шолумире ве разилуьире э регион.

Хосденуьм эри гьеммейки шолуми, жунсогъи, мозол ве хушхьоли. Бигьил куьнде одомигьо гьеммише э ён ишму бу.

Сервор Дербенд Ханлар Пашабеков

Омбаракбу сохденуьм жугьургьой Дербенде э мигIид Хьэнукоиревоз.

И мигIид дорени товуш, имиди ве боворини э динлуье гIэдотгьо, э ер овурденки э товун вожиблуьи шолуми, дуь екире хьуьрмет сохдеи ве разилуьире э жэгIмет. Дербенд омбаре девргьо бу ве мундени шегьер, эже нушудорегоргьой эн жир-бе-жирее миллетгьо ве дингьо зигьисденуьт э гьовой рэхьмегъуншиети ве дуь екире варасиреи.

Хосденуьм, чуьнки и очугъэ мигIид биоруь э хунегьойшму герми, хушхьоли ве боворинире э себьэхине руз. Муьхькемлуье жунсогъи, шолуми ве гуьлишолуьи.