Гирошди гуьрдлеме Фегьемгери э товун рэхьбери коре э гъэршуй кори сохде гъонунсуьзе кор. Э овхьолет иловлеи жэгIмие зофру биреи гъонунепузмишсохи э Догъисту гьемиге мунди гъэдер гьевел биригьо гъонунсуьзи рэхь коррупции.Э гьееки э уревоз ведини зофру биреи сеч сохдигьо дузигъэреули органгьо гъонунсуьзи коррупцие рэхь, комигьоки гъонунепузмиши той сохде э жире гурунде ве лап гурунде гъонунепузмиши.

Э товун эн у бири эрзо э гуьрдлеме Фегьмгери э товун рэхьбери коре э гъэршуй кори сохде гъонунсуьзи э регион, гирошдигьо э сер рэхьберисохи Сервор Догъисту Сергей Меликов, мэгIлуьм сохде сайт сервор.

Э гуьрдлеме бири ведебердеи эхирлуье фикир коре э жерге рэхь кори э гъэд 2023-муьн сал. Гье э у хьисоб пуьруьшсохи кор дузигъэреули органгьо э гъэршуй кори сохде коррупцие, гъэгъигъэт э товун очугъ сохдеи, поюндеи, вокурде очугъ сохде ве силис сохде коррупцие пузмиши ихдиёри, гьемиге лап зофруе гъэдер ве нисдсохи эзуновлейге бире кор эз угьо.

Сервор Догъисту бирмундеи тигъэте рэхьбери сохдегоргьоре дузигъэреули органгьо э гереклуье гъобулсохи диеш зиёд корсохи э рэхь очугъ сохи ве поюндеи гье у тегьер омборте егIни коррупцие гъонунпузмиши, бегьем сохде оморигьо э гуьнжо овурде жире одомигьоревоз, жигегири сохдигьо э вожиблуье жигегьо.

Омборте комини гьисди риск коррупцие мундени бюджети ве социальни гъосуьт, гъосуьт офдеи жиге дореи хогьишигьо эри хьуькуьмлуье ве муниципальни михьтожи, хоригъуллугъсохи ве ЖКХ, дошдеи жунсогъире.

Барасигьо фегьмсохи веди сохди, чуьки э жерге гъозие-гъэдер э бесдеи ве веровундеи хьуькуьмлуье игъролноме э угьо, ки угьоре веровундени, фегьм сохде бире хуьшдени ю мерэгълуьи.

Гьечуь, рэхьберсох е-тек эз идоре гъосуьт соводи Кизляре бесде омори 27 игъролноме э дореи канцелярии мол ве компьютери оборудовани э гъэдер зиёдте 3,5 млн монет э теке жейлее зиреклуье корсох, коминики евэхдлуье гьисди шуьвер эн у рэхьбер.

Бири жиге ве гъозие-гъэдер гъолмогъоли менфигIэтгьо комики бири межбур биреи эз нореи рэхьберисохигьоревоз идорегьо э жиге кори норе эз гъовумгьо хуьшде. Чуьтам, меселен, э жерге соводидоренигьо идорегьо Бабаюртовске дигьбон, Сергей Меликов гъэдэгъэ зери гировунде фегьмсохи э товун гьемме ижире бире гъозие.

«Эгенер гъонунепузмиши жергей гъонунгьо боворини доре мибу, жугъобдорлуье бирегор эз у коррупцие нушудореи гереки пиш сохде эз корсохие жигегьо э верзуьшлуье жиреревоз. Тейте иму сернегуьрденим пуьрсире эз рэхьбергьо, оводунеи сохде не бире. Фегьмсохи э товун э гъэршуй кори сохдеи коррупцие гъэрхунди корисохи э гьерки муниципалитет ве э риз гъэдерлуьи дигьбонгьо фегьм сохде гъолмогъоли менфигIэти»,- гуфдири Сервор республике.

Бинелуье везифе органгьо хьуькуьм, э ёр овурди у,- дануьсде расунде барасилуье, михьтожсуьзие кор э товун э гъэршуй кори сохдеи коррупцие, вожиблуье бараси комики миё бу бире дошдеи бюджети овгъотгьо ве зевербиреи риз гъэдерлуьи боворини могьлугъе.

Эз мэгIлуьмети серворе Рэхьбери Сернуьш РД э пуьрсуьшгьо э гъэршуй кори сохдеи коррупцие Мустапы Генжеханова, эзуновлейге э гъэрушуйкоррупцие фегьмсохи э бюджетгьо Догъисту вогордунде омори экуьнди 283 млн монет.

Зиёдте 100 мол мэгIлуьмети э товун коррупцие кор э бюджети гъосуьт гировунде омори э дузигъэреули органгьо, гъобул сохди 17 гъэрорноме э товун вокурдеи гъонунсуьзлуье кор. Э 60% зевербири гъэдер протоколгьо э товун хьуькуьмлуье гъонунепузмиши э товун 355 нуьвуьсде мол вегуьрди э жугьобдорлуьи 298 сервори ве юридически корсохгьо. Эки дузетмиш бире жугъобдореи вегуьрди зиёдте 320 рэхьберисохи одомигьо э органгьо хьуькуьм. Гье у э 40% омбортеи, эз 2022-муьн сал. Эз жиге кор пиш сохди 16 одоми.

Гъуллугъсохи хьуькуьмлуье пули фегьмсохи РД гьемиге нисд сохди гъонунепузмише восдореи э гъэдер экуьнди 840 млн монет, нисд сохди зеверсохи гъимет бесде игъроле.

Генжеханов гIуьзет сохди гъэдер зевербиреи мэгIлуьмети зигьисдегоргьо республике э товун э гъэрушуйкоррупцие корсохи органгьо хьуькуьм.

Сергей Меликов диеш гуфдири, чуьки тегьер мэгIлуьмети э товун бире гъозие коррупцие миё бу верасирение тегъер ве эри могьлугъ.

«Гереки зеверсохи хубте гировунде кор фегьм сохдегор, комигьоки фегьмгери сохде хэржилугьи бюджети овгъотгьо. Вожиби зуте веди сохде хуьшдени ю мерэгълуьи угьоре, ки номуссуьз хэржи сохде бюджети овгъотгьо»,- риз кешири Сергей Меликов.