143 гьозор догъистунигьо сохди вихдеигьо хуьшдере э онлайн сесдореи эри объектгьо оводунисохи. Боворинуьм, чуьки гье и гъэдер веровунде миёв омборегъэдерлуь – мунде э гъирогъ, кейки лугъот оморе э товун э тозе дегиши венгесдеи гъовумлуье шегьер енебуге дигь, минкинсуьзи. Э регион э сесдореи ведеберди 152 мейдонгьо э 10 шегьергьо ве 6 дигьгьо. Эз угьо вихде миёв 68 жэгlмиети мескенгьо ве 8 дизайн проектгьо.

Сесдореи гьер сал гировундени партия «Еклуье Уруссиет» дуь э екиревоз э Минстроевоз.

Бэхшвегири э у – гье и неки игърол бесдеи, гье и минкин доре сохде богъчегьой имуре, гъирогъие мескенгьоре ве хьэёти мескенгьоре зиёдте хубте ве рач эри зиндегуни. Гьэгъигъэт э хотур чуьки желдлуье бэхшвегири ишму ве кумеки дореи федеральни проект «Э гуьнжо овурдеи хубетегьер шегьери иловлере» миллетпроект «Инфраструктуре эри зиндегуни» иму миданим э гуьнжо овурде фирегьуне муьлк, э комини мибу дуьлхоши зигьисде ве форигъэти вегуьрде.

Воисдени эз ишму хосде сохит вихдеи хуьшдере э платформе zagorodsreda.gosuslugi.ru, эз сер мобильни приложение «Хьуькметгъуллугъ. Гъэрор норе гьееки» енебуге э кумеки дореи э войгей хуьшде гуьре.

Биёйт гьеммееки омонети дешеним э биёвгьо регион иму.