Гъуьчсохи ве тозе сохдеи энергосистемгьо Догъистуре зиед сохде те эхир февраль.
Ведешендеи электроэнергие, гировундение э шегьер ве кентгьо республике, овурде омборе гурунди эри догъистонигьо.
Э эрзо министр энергетик ве тарифгьо РД Марат Шихалиев, гъуьчсохие коргьо дураз сохде те эхир февраль. Хьуькуьм Уруссиет э хьозуьрлугъи э ки поиз-зимисдуе вэхд 2023-2024-муьн салгьо дори э республике пулгьо 1 млн. монетгьо.
Э товун е гъэдер вэхд бегьм сохде коргьо э энергосеть гуфдире э пресс-конференцие, гуьрд сохде идоре эри федеральни ве региональни СМИ. Гьеммееки э министревоз э пуьрсуьшгьо журналистгьо жугьоб доре сервор ПАО «Уруссиет Софун Кавказ» – «Дагэнерго» Магомедхабиб Мухумаев ве сервор Махачкалински шегьери электросети Магомедшапи Шапиев.
Э гофгьо министр, сер гуьрде гъуьчсохи коргьо энергосистеме ве хьозуьрлугъи э гермидорение э вэхд ю 2023-2024-муьн салгьо бири хьитиет 564 млн. монет. И пулгьо бирмунде Марат Шихалиев бири кем. Сетгьо ве объектгьо энергетике эн республике омбор вокурде оморе ве гереки зиедте пулдореи. Унегуьре, Сервор РД Сергей Меликов руй бире хосде кумеки доре Догъистуре э гуьрдлеме Госсовет, гирошдигьо э сернуьши Президент РФ В.Путин.
Гьемме бири пуле зиед сохде э гъуьчсохие коргьо объектгьо энергетике эн регион. Министр гуфдири тозе сохдеи, гъуьч сохи сетегьо, дегиш сохде трансформаторгьо ве еккейге объектгьо энергокомплекс мибу зиед сохде э вэхд гирошде гьемме зимисду.
М.Шихалиев бирмунде, чуьки гене доруние гъэдер гировунденигьо коргьо э гъобул сохде гъэрорноме э товун дореи регионе гене пулгьо.
Э гоф эн урево, федеральни пулгьо гьишде дешенде пулгьо э коргьо гъуьчсохи гене 72-муьн энергообъектгьо – гье у гировунде электропередачи жуьр-бе-жуьрелуье напряжение ве екибиреи э трансформаторни подстанцие: 300 км. ЛЭП ве 103-муьн трансформаторни подстанцие. Э кутэхье вэхд сетевой идоре бири герек восдоре молгьо, овурде расунде э жиге песде норе э жиге ю.
Э гофгьо «Уруссиети Софун Кавказ» – «Дагэнерго», э овгъотгьо эн хуьшдеревоз, комики бири хьитиет бире эри хьозуьрлугьи эки хиникигьо, гьемме коргьо бири веровунде те пушоворафдеи поиз-зимисдуе вэхд.
Жейле э гъирогъ норе гировундеи гене коргьо гIэмел нисе оморе, куьгьне биреи сетьгьо гуьнжуьнде эки 75%. Гье у вэхд хиникигьо бирени четин, егIни мибу жэгIметегьерие ведешендеи электроэнергие. Ижире винире гьеминон гирошдигьо сал.
Министр андуьрмиши сохди, эри гировунде э гъэдер гьемме энергокомплексе гереки омборе салгьо ве келе пулгьо, комики келе-кемие дарафде э отрасль.
Э гофгьо серворе ПАО «Уруссиет Софун Кавказ» – «Дагэнерго» Магомедхабиб Мухушаев, бирмундеи э пресс-конференцие, э имбурузине руз э 26 бинелуье мескен хурекхури эн регион зевер бире трансформаторни гъувотлуьи зиедте э 160 мега вольт-ампер, дегиши сохде эки 2,5 гьозор опоргьо ЛЭП, 113 трансформаторные подстанции, экуьнди 55 км. бирэхьне телгьо жире-бе-жире напряжение, гъуьчсохде омборте 370 трансформаторни подстанцие. Зиед бире трансформаторни гъувотлуьи э Махачкеле, Дербенд, Хасавюрт, Кизилюрт гене э согъэ жерге эн районгьо Догъисту.
Суьфде сохде э могьлугълуье жиге, эже бежид гирошдеи ведешендеи электроэнергие э вэхд шелле веноре э электросете. Гене э Хасавюртовски, Кизилюртовски, Магарамкентски, Карабудахкентски, Буйнакски, Дербентски, Гунибски, Ахтынски, Бабаюртовски, Сергокалински, Новолакски, Ботлихски, Левашински, Кумторкалински ве Сулеман-Стальски районгьо.
Омборте овгъотгьо дореи э тозе сохде электросетеви комплексе, омори э Догъистони шогьнишон. Э Махачкеле зиед трансформаторни гъувотлуьи э 7 подстанци: «Приморски», «Шамхал», «Махачкале-110», «Ленинкент», «НИИСХа»ве «Компас». Гье у гьишде хубте сохде электроснабжение э дигьбон Редукторни, Турали, Степни, Ленинкент, Шамхал, Талги, Кяхулай, Хушет, Семендер, Сепараторов, э куче Акушински, районе «Вузевское озеро», «Ватан» ве ГIилмие шегьэр.
Гъобул сохде э гъэйгьу вегири пуьрсуьшгьо ве битIэгIрифи э товун компание, те эхир февраль э бине ПАО «Уруссиети Софун Кавказ» – «Дагэнерго» мибу сохде бине э коргьо э руй биреи одомигьо, чуьки гьишде жугьоб доре э пуьрсуьшгьо ве дузи гуфдире хэбер э товун хэребеи ведешендеи.
«Гереки риз кешире, энергетикгьо Догъисту сохде омборе доруние гъэдер коргьо э пулдореи»,-бирмунде сервор Минэнерго регионе М.Шихалиев. Бири четини эн зигьисдегор республике э ведешендеи электроэнергие гьелелуьге. Тозе энергосетгьо гьишде зевер сохде имидие э электроснабжение зигьисдегоргьо.
