Рэхьгьой гъэрор сохдеи инфраструктурни гъэдерлуье терггьоре ве вожиблуье тарафгьой параменди сохдеи индустриальни промышленни богъчере «КИП Пром Каспий» пуьруьш сохде оморебу э гъуллугъ эн Сервор РД эн Сергей Меликов э гуьрдлеме. Гуьрдлеме гировунде оморебу дуьшоббот, 12-муьн май ве гуьрдлемере рэхьбери сохдебу Сернуьш Хьуькуьм эн Республикей Догъисту Абдулмуслим Абдулмуслимов.
Э пуьруьшсохи бэхш вегуьрдебируьт жигегир эн Сернуьш Хьуькуьм республике Ризван Газимагомедов, рэхьбергьой эн республикани Минпромторг Низам Халилов ве эн Минэкономпара-менди Гаджи Султанов, сервор эн ООО
«Рэхьбери сохденигьо компание э ин-
фраструктурни объектгьоревоз РД»,
Минэнерго ве эн Министерствой вокур-
деи РД.
А.Абдулмуслимов, гоф гуфдиренки э товун параменд сохдеи индустриальни богъчере э регион, э нишон «КИП Пром Каспий» нушу дори мэгIнолуьи проекте, кори сохденигьо э параменд сохдеи экономикей республикере. Гьечи, э хотур кор сохденигьо эз 2016-муьн
салевоз «КИП Пром Каспий» э гуьнжо
овурде оморебу экуьнди 500 корлуье
жигегьо. ЖэгIмие гъэдер налогови дешендеигьо эн резидентгьо э 2024-муьн
сал гуьнжуьнде омори эз 171 млн монетгьо омборте.
«Индустриальни богъчегьо кумеки сохденуьт мерэгълуь сохде пулдешендеигьоре ве э гуьнжо овурденуьт тозе корлуье жигегьо. Э песини салгьо иму расирейм э хубе барасигьо э товун параменд сохдеи мол ведешендени-
гьо корхонегьоре, ве э гуьнжо овурдеи
гьеймогьине инфраструктурере эри
сэхьибкоргьо и дуразкеши эни кори»,-
гуфди А.Абдулмуслимов.
Э пуре тегьеревоз ихдилот сохди министр корхонегьо ве алвери эн Республикей Догъисту Низам Халилов, э мескен богъче э 65,9 га норе омори 7 идорегьо, комигьореки гьисди нум нушудорегор эн индустриальни богъче.
ЖэгIмие гъэдер эн мескен промышленни богъче 157,4 гектари.
Э 2024-муьн сал э норе оморигьо идорегьо молгьо ведешенде омори эз 1,1 млрд монетгьо омборте.
Эри песдеине параменд сохдеи промышленни богъчере ве расундеи гереклуьи эн нушудорегоргьоре э коммунальни овгъотгьо, э гофгьой эн Низам Халилов гуьре, герек мибу э кор венгесде е жерге коргьоре э товун вокурдеи тозегьоре ве хубте сохдеи гьисдигьо объектгьой эн инженерни инфраструктурере. Э гъуллугъ эн Сервор РД эн Сергей Меликов гуьре Минпромторг Догъисту хьозуьр сохди план параменд сохдеи «КИП Пром Каспий», эже бирмунде омори гьисдигьо четине пуьрсуьшгьо ве вихде омори вожиблуье тарафгьой параменд сохдеи богъчере.
«Э суьфдеи нубот, и пуьрсуьшгьой
энергорасундеини, гереки зиед сохде
гъувотгьой эн объектгьой электрорасундеире эз гьеймогьине 10 МВт те 25 МВт. Гьемчуьн мундени пуьрсуьш вокурдеи канализациере эз комики гирошде миев 2 гьозор л. э е дэгъдэгъэ», — мэгIлуьм сохди министр.
Э гIэрей гуьрдлеме фегьм сохде оморебу фикиргьо эз тараф идорегьо э товун нисд сохдеи инфраструктурни гъэдерлуье терггьой эн промышленни богъчере. Премьер-министр РД гъуллугъ дори хьозуьр сохде мэгIлуьмети-
ре герекиге вокурде тозегьоре ве хубте
сохде гьисдигьо объектгьой инженерни
инфраструктурей эн индустриальни бо-
гъчере.
