Премьер-министр Догъисту Абдулмуслим Абдулмуслимов э гъэд гъобулсохи одомигьо винире руйбиреи биненорегоре Дербенди горпромкомбинате Кизтамум Агамирзоевой, мэгlлуьм сохде э пресс-гъуллугъсохи кабмине регионе.

Кизтамум Агамирзоева – синогълуье сенигlэткор э коргьой хуреклуье промышленнигьо. Руй бире у эки премьер-министре РД э хосдеревоз корикумекии доре э тозеден вокурдеи коргьо корхонере э молведешендеи ширинигьоре.

Кейки-у корхоне «Хурекчи» бири лап барасилуье ве гlуьзетлуьи хубе молгьой эн хуьшдере – гъэнфитгьо, буьржуьнде оморе чигьо, мармеладгьо ве омборе еккейгегьо.

Э гофгьой Агамирзоеверовоз, гьевел э корхоне кор сохде 145 одомигьо, гьейсэгlэт гьисди 35, гьемме угьо зу рафди э вэхд форигъэтии эз кор пулсуьз, кор сохде э еккейгегьо коргьо. Оммо одомигьо имид ве денишире, чуьки корхоне гене кор сохде.

Кизтамум Агамирзоева ихдилот сохде, чуьтам гьевел кор сохде корхоне, ве эри чуь у бири поюнде.

У гьемчуьн ихдилот сохде э товун четинигьо э гlовдореиревоз, э бесдеи э кор венгесдеи скважинере, комики э гьевелие доре герекие корхонере. Э вэхдгирошди гlовдореи бири сэхд сохде, оммо гъэрорноме пуьрсуьше э тозе вокурдеи чешмере гlовдореире корхонере кумекии нисе дори.

Гоф гушдошде, Абдулмуслим Абдулмуслимов бирмунде, чуьки кумекии доре корхонере ве э гьунжо овурде корисохие жигегьоре гьисди вожиблуьи эри рэхьбергьой республике.

«Ишмуре бири хубе корхоне, везифе эн иму имбуруз параменд сохде, нисе вечаруьнде промышленни объектгьоре, коре корхонере ёгъин гереки тозеден вокурде, гъеле мунди сэнигlэткоргьо, комики хуб дануьсде коргьой хуреклуье молведешендеире. Гьисди рэхьгьо э федеральни хьуькуьмлуье программе, иму кумекии мидим эри тозеден вокурдеи корхонере», — гуфдире Абдулмуслимов.

Премьер-министр Догъисту гъэдэгъэ зере э Идоре э предпринимательстве ве пулдореи РД тигъэтлуье тегъер кор сохдеи э гьемме корсохгьой веровундение хьуькуьм пуьрсуьш тозеден сохдеи коре корхонере, бирмунде э гуьнжо овурдеие дуь эекиревоз э рэхьбергьой корхонеревоз везифе герекие корисохи.