Э песой се сале э Догъисту восдоре омори 368 хунегьо ве доре омори 537 хунеие сертификатгьо.
Суьфдеи жигегир министре вокурдеи, архитектуре ве ЖКХ Догъистуре Салам Гасайниев э артие гуьрдлеме несиете бирмунди артигьоре веровундеи корисохигьоре эсер хубте биреи хунеие овхьолете гIэилгьо-етимгьоре ве одомигьоре эз гъэдер эн угьо э песой вэхд эз 2023 те 2025-муьн салгьо.
Э песой се сале э гуьнжо овурде омори еклуье тегьер: кор сохде дуь бинелуье корисохи —
восдореи хунеие жигегьоре э игъролевоз киро ве дореи хьуькуьмлуье хунеие сертификатгьо эри хуьшдению восдореи хунере.
Артигьо веровундеи программере:
— 2023-муьн сал: восдоре омори 133 хунеие жигегьо, доре омори 189 сертификатгьо;
— 2024-муьн сал: восдоре омори 108 хуне э сер везифе 74; доре омори 190 сертификатгьо;
— 2025-муьн сал: везифе – 71 хуне, гьэгъигъэтиш – 127. Гировунде омори гене восдореигьо э
Махачкале э гъэдер 195,4млн монет (41 хуне); жэгIмие доруние гъэдер овгъотгьо – 472,3 млн монет; доре омори 158 сертификатгьо.
Э сергири 2026-муьн сале эз 127 хунегьо, комикигьо восдоре оморигьо э 2025-муьн сал, 85 дори гIэилгьоре-етимгьоре;
42 хунегьо везифе нори дореи э дес эн угьо те 31-муьн март.
ЖэгIмие арти э песой се сале: 368 хунегьо э игъролевоз киро ве доре омори 537 сертификатгьо. Доруние гъэдер пуле дореие программе зевер бири эз 779,1млн монет э 2023-муьн сал те 842,8 млн монет э 2025-муьн сал. Э сер эну овгъотгьо бэхш сохде омори э гIэрей восдореи хунегьоре ве дореи сертификатгьоре э межбурлуьи эз гьисдигьо гереклуьи муниципалитетгьоре.
