Сернуьш Хьуькуьм эн Республикей Догъисту Абдулмуслим Абдулмуслимов э гъуллугъ эн сервор республике эн С.Меликов гуьре гировунди гуьрдлеме э товун пуьрсуьшгьой гъонунлуь сохдеи муьхшуьли ве гъэзенжгьой одомигьоре э регион.
Четини эн соелуье муьхшуьли мундени вожиблуьи эри омбаре регионгьо Уруссиет, ве Республикей Догъисту э гIэрей энугьо. Хьуькуьм регион гъобул сохдени желдлуье чорегьо эри нисд сохдеи зобуне эзуновлейге биренигьо гъозиегьой эн пэхьникие кор сохдеире ве не веровундеи налогови гъэрхундигьоре.
Еки эз бинелуье везифегьо гьисди зиед сохдеи гъэдер гьэгъигъэтлуье корлуье жигегьоре ве зевер сохдеи риз гъонунлуье кор сохдеире. И вожиблуьни неки эри хубте сохдеи гъоимлуьи зиндегуни одомигьоре, оммо ве эри пур сохдеи региональни бюджете. Эхи гьэгъигъэт гъонунлуье жофолуье корисохи расундени социальни муьзде дореигьоре ве пенсионни кура сохде оморигьоре.
Вожиблуье жиге доре омори дуь э еккиревоз корисохи эн жир-бе-жире хьуькуьметлуье структурегьо. Меселен, э Догъисту бежид гировунде оморени еклуье кор эн Министерство жофо ве эн социальни гъэлхэнди, гьемчуьн эн федеральни налогови гъуллугъсохи ве эн ихдиергъэхэндлуье органгьо. И ведомствогьо бежид фегьм сохденуьт корхонегьоре ве идорегьоре, жейле угьоре, кор комики ологълуьни э алверевоз ве гъуллугъигьоревоз, эже бежид веди бирени гъозиегьой эн гъонунсуьзе э кор вегуьрдеи. Гьемчуьн желдлуь э кор венгесде оморенуьт мэгIлуьметие компаниегьо, комигьоки мэгIлуьм сохденуьт э одомигьо э тоун хэйрлуьи гъонунлуье э кор вегуьрдеи. Э кордорегоргьо андуьрмиш сохде оморени эзуновлейге бирение гъозиегьо эн гъонунсуьз вегуьрдеи э кор корсохгьоре, оммо хуьшдени корсохгьо дануьсденуьт э товун жэхитгьо ве минкигьой гъонунлуье коре.
Вожиблуьни гуфдире, ки бешгъэй зевер сохдеи налогови гъонуне, ижире политике кумеки сохдени борж берде э рушвохурие бирмундеиревоз ве номуссуьзе боржбериревоз э рынок жофо. Кейки омбарте компаниегьо дошденуьт тегьергьой налогвенореире ве жофолуье жергей гъонунгьоре, э гуьнжо овурде оморени тен-бе-тение иловле эри номуьслуь бердеи бизнесе.
Еки эз нишонегьой эн барасилуье синогъи гьисди жирелуье жигегьой назари сохдеи рынок жофоре. Э Догъисту ижире жигегьо минкин доренуьт фегьм сохде дегишигьоре э жигегьо ве зу жугьоб доре э сер хьэсуьл оморенигьо жэхитгьо. Вожиблуьни гуфдире, ки ухшешие хьэвесгьоре гъувот дорени федеральни меркез, комики дорени пулгьо ве сенигIэтлуье кумекире эри боржбери э соелуье коревоз.
Гьееки э уревоз гереки э хьисоб вегуьрде ве психологически четинире. Одомигьо вердуьш биренуьт зигьисде э овхьолет мэгIлуьмсуьзи ве угьоре воисдени пэхьни бире эз гъонунлуье коргьо эри кем сохдеи хэржигьой хуьшдере. Эзу товун вожиблуьни соводлуье кор, фуьрсоре оморенигьо эри э гуьнжо овурдеи варасиреи хэйрлуьи очугъире ве гъонунлуьире.
Диеш е вожиблуье бирмунуши эн бараси – технологически параменди системей рэхьберисохи э корсохгьоревоз ве налогови пулдореигьоревоз. Гьеймогьине рэгъэмлуье карасдигьо кумеки сохденуьт э хьуькуьмгьо зуте офде гъонунепузмишигьоре ве хэйрлуь назари сохде дошдеи гъонунгьоре. Э кор венгесдеи рэгъэмлуье технологиегьоре сохдени кор ошгор сохдеи гъонунепузмишигьоре асант ве ужьз, минкин доренки кем хэржи сохде пулгьой хьуькуьмете.
Гировунденки артгьоре, гIэмел миев гуфдире, ки боржбери э соелуье муьхшуьлиревоз – и четине кори, талаб сохденигьо еклуье гъэножогъире ве гуьрд сохдеи гъувотгьой эн омбаре мерэгълуь гьисдигьо тарафгьоре. Оммо барасигьо э комигьоки расири хьуькуьм Догъисту, бирмундени, ки дуз э гуьнжо овурде омоге кор гIэмел миев расире э келе барасигьо ве расунде верзуьшие риз зиндегунире э одомигьой регион.
