Свобода! Жизнь и счастье в ней!
Но цену ей сперва пойми, народ.
Она сокровищ всех ценней,
Лишь ею родина жива, народ…
Шогьир э герме ве темизе дуьлевоз, догъистони дарафде э гуьнжуьнде оморе чи мироси Уруссиет, комики дошде хэлефгьо.
Э и сал иму бирмунде 155-сали эз руз хьэсуьл омореи «Гомера ХХ девр». Хьозуьр сохде келе программе корисохи. Бинелуье межлуьс мигирору э Махачкеле ве э ватан шогьир.
Э миллетлуье музей РД э нум Тахо-Годи э и рузгьо вокурде омори сиротбирмундеи «Сулейман Стальский. Зиндегуни, э гуьнжо овурдеи, ёровурди». Унжо бирмунде сиротгьо жире-бе-жирее салгьо, кучмиш сохдеи эз дегь уруссиетие ве догъистоние музеевгьо ве библиотекгьо ве бирмундеи э гъолубгьо книггьо шогьире-эз зуинее те гьеймогьоине дофусзереи.
Сулейман Стальский зенде оморе э 1869-муьн сал э кент Ашага-Стал э хоригъуллугъсохие кифлет. ГIэили геде бири гурунд – у зу бире етим ве у омбор кор сохди Суьфдеи дестонгьо нуьвуьсде э жовони.
«Гужлуе буйвекоши кумеки доре дананисуьзие оммо хьохомлуье хоригьуллугьсохие эз Ашага-Стал хьэрекет сохде варасирени э четиние овхьолет иловлеи Граждански довгIо»,- нуьвуьсде Эффенди Капиев э пушойгофи эки книг «Вихде оморе».
Э гъэд шинох сохдеи э бирмунуши идорей дошдеие молгьо эз идорей Миллетлуье музей гьисди дуь эекиревоз сиротгьо Стальски э Капиеви, еккейгегьо шогьиргьо. Дениширегоргьо дануьсде винире сиротгьо, э комики веди сохде кифлет шогьире, хуне, эже у зигьисди. Борис Пастернак нуме гуфдире уре «килитлемее тегьер догъистоние шогьир». Гье у вегъифесуьз. Э гьемме сиротгьо-келе мерд э килэхьевоз, э дузе кемерово, эз дорун гирошдение ве лугъонде дениширеиревоз.
Э гIэйб эн ме гьевел ме кем дануьсде э товун Сулейман Стальски. Э бирмунуши ме гье бирден мерэгълуь бире э и буьзуьрге одомиревоз. Сиротбирмундеи, э гуьнжо овурде э дениширегор жэгIмие нушудореи э товун мэгIлуьмлуье гьемшегьери эн иму. Э жейлее сиротгьо гIэмел миёв шинохде омборе тозеи, дануьсде хосиет энуре»,- гуфдире нушу дореи эн хуьшде зигьисдогор эн Махачкале Алина Мамедова.
Гьисди инжо ве сиротгьо, комики томошесохдегоргьо винире суьфдеи бо. Э гофгьой рэхьбер эн проекте Джамиля Дагирови, сиротгьоре бирмунде э гьемме Догъисту, гешдеи эзинжо э унжо бирмунуши нушу доре э музей.
Э товун Сулейман ихдилот мисоху э шекуьл эн хуьшде гьеймогьоине шекуьлчигьо: 15-муьн мая э культурни-бирмундеие бине Миллетлуье музей вокурде миёв проект эз е гъэдер «Хосде ту шогьире гьечи, чуьтам хосде уре ме?».
Гьевел э и оголзереирево гирошде проектгьо, гуьзетсохие межлуьс хэлгьие шогьиргьо эн Догъисту Фазу Алиеви ве Расул Гамзатови. Э эхир мибу дофусзереи каталог, кимигьо коргьо зиёд мисоху фонд эн музее.
Сеимуьн бирмундеи нушу доре 18-муьн мая э чуькле ватан шогьир, э кент Ашага Стал Сулейман-Стальски улке. Э июнь уре мидану винире зигьисдегоргьо ве гъуногъгьо эн республике чуьтам е гъэдер гешдеи эзинжо э унжо бирмундеи.
