Вихде омори хориие муьлкгьо э Мамедкале эри вокурдеи хунегьоре эри одомигьо, комикигьо вир сохди хунегьоре э сереботи батмиши. Беди берди гьеммере, ве гьейсэгIэт вожиблуь кумекии доре угьоре вэхуьшде э пой. Бири корие вохурдеи серворе Дербендски районе Эльмане Аллахвердиеве ве жигегире сернуьше – серворе беделе параменди онгурчигьире ве онгурие дошде веровундеие рэхьбери Ахмеде Ахмедове э министревоз э хориие ве девлетлуье гъэножогъигьоревоз Республике Догъисту Зауре Эминове.

Уже бирмунде омори се муьлкгьо – 10, 9 ве 5 гектаргьо. Угьо гьисди э куьнди могьлугълуье жигегьо, унжо гIэмел миёв вокурде. ГьейсэгIэт э кор венгесде пуьрсуьшгьоре юридически э гуьнжо овурдеи угьоре.

Э корисохи вохурдеи иму ёгъинлуь тигъэтлуье тегьер кор сохдеи пуьрсуьше дегиши бинуши хориие муьлке, чуь гьишде э песдеине дешенде уре э серхьэдгьо муниципальни соводи дигьбоне Мамедкале.

Бэгъдовой бегьем сохдеи герекие жирей корисохигьоре хориие муьлкгьо мибу доре эри вокурдеи тозе, гъэдерлуье хубе хунегьо эри гьемме, ки э угьо михьтож бире. Тозе хунегьо э гуьнжо овурде оморе эри зигьисдегоргьо кучегьо Заречная, Канделаки, Айденбекове ве Вокзальни, комикигьо буланмиши кешири эз и пушогьо биреие батмиши.

Гье евэхди ижире кор рафде ве э екейгегьо районгьо, комики буланмиши кешири эз батмиши. Одомигьо нисе мунде еки э еки э беди эн хуьшдеревоз. Кумекии мивегину гьерки – гьеле эгенер кире гьейсэгIэт нисди когъозгьо.