Гирошди гуьрдлеме Хьуькуьмлуье фегьмсохи э параменди хуне вокурдеи ве гъимет дореи хубте э кор венгесдеи хории муьлкгьоре э зир рэхьбери жигегир Сернуьш Хьуькуьм РФ Марата Хуснуллина. Э гуьрдлеме бэхшвегири сохди Сергей Меликов.

Вожиблуье гъосуьт бисдо дешендеи э хозяйственни корисохи э кор венгесде не оморигьо хории муьлкгьоре ве объектгьой вокурдеигьоре.

«Эн иму дуь эекиревоз корисохи гьисди эри песдеине зевербиреи хубте э кор венгесдеи хьуькуьмлуье овгъотгьо эри параменди шегьергьо ве гуьнжо овурдеи хубигьоре эри зиндегуни одомигьо», — гуфдири Марат Хуснуллин.

Фегьм сохдегоргьо рази бири э еклуье проектевоз параменди мескенгьоре э микрорайон «Лазурни гъирогъ» э Махачкале. Фикир э параменди сохдеи уре бири тигъэтлуь кор сохде оморе эеки э Минстроевоз Уруссиет, Урусовгъотевоз, ФРТ ве ДОМ.РФ.

«Э веровундеи проект иму норейм везифе э гуьнжо овурде хубтеигьо эри одомигьо бинелуье мескен Махачкалеи агломерацие», — гуфдири Сергей Меликов.

Хьуькуьмлуье комиссия разилуьи гlэсуьлменде дореи э республике коргьой рэхьбери ве буйругъноме федеральнигьо хории муьлкгьоре жэгlмие мейдоневоз 213,5 га, э десдин микрорайон дебиригьо.

Э е гъэдер мескен мибу веровунде проект еклуье параменди, пушоки дире дануьсдеи вокурдеи хунегьо, гъуногъхонегьо ве социальни объектгьо, ве ники хушисохи параменди мошини ве инженери инфраструктуре. Гъэдер вокурдеигьо мибу зеверте 2 млн кв.м.

Э суьфдеи чоримуьн бэхш 2026-муьн сал мибу гировунде оморе боржбери жире кор э товун вихдеи компание – веровундегор проекте КРТ. Кор венгесдеи проекте мибу э жиге овурде э зир гьеммишеине фегьмсохи федеральни ве региональни органгьой хьуькуьм.