Сернуьш Хьукуьме Республике Догъисту Абдулмуслим Абдулмуслимов гировунди гуьрдлеме республикански бинере эсер хьозуьрлугъи объектгьоре ЖКХ эки поизи-зимисдунее вэхд 2025-2026-имуьн салгьо.
Э пуьруьшсохи гъобул сохди бэхшвегири рэхьбергьо сенигIэткорлуье министерсвегьо, гьеммей овгъотлуьигьо дореие идорегьоре, э зеверсерие идорегьо, серворгьой муниципальни соводигьо.
Э гуьрдлеме бири пуьруьш сохде пуьрсуьшгьо хьозуьрлугъи объектгьоре овгъотлуьи дореигьо эки поизи-зимисдунее вэхд, винире омори корисохи гировунде оморе фегьм сохдеие корисохигьоре э сер виниреи хунегьоре хэржисохдегоргьо газе э веди сохдеи хуьшдени ю дешендеие газови оборудовани ве э кор венгесдеи гъонунсуьзлуье оборудовани ве екейгегьо.
А.Абдулмуслимов э ёр овурди бэхшвегиргьой гуьрдлемере э товун «келе нисдие» фегьмсохие вэхде веровундеи коргьоре эсер хьозуьрлугъи объектгьоре хунеие-коммунальни сэхьиблугъигьо эки зимисду:
Эсер зурие хэбер муниципальни соводигьо хьозуьрлугъи объектгьоре ЖКХ эки жофокеши э вэхд гуьрее э кор венгесдеи э миглеи э республике гуьнжуьнде 68%. Э гуьнжо овурдеи хьозуьри сохдеи материально-технически овгъотлуьигьоре эри нисдсохи хэребеигьоре ве пучигьоре э объектгьо ЖКХ доре омори 69,86 млн монет. Эз миглее сентябрь везифе норе овурде сухундение молгьо э муниципальни соводигьо республике.
Премьер-министр гуш дошди бирмунушигьо жугьобдорлуье одомигьо э товун веровундеи бинелуье корисохигьоре эсер хьозуьрлугъи объектгьоре гермеэнергетике эки э пушо дерие поизе-зимисдуне вэхде ве э товун гъэдер хьозуьрлугъи овгъотгьо дореие идорегьо.
«Имид, чуьки э имбурузине руз объектгьо гермеэнергетике гьисди э коре божеренлуье овхьолет ве хьозуьр эки дореи гермире, э суьфдеи нубот социальни идорегьоре. Вожиблуьи доре гьэгъигъэтлуье хьозуьрлугъи гьеммей коргьоре, веровунде гьемме норе везифегьоре ве проектгьоре. Э сер гье у кор биё бу вокурде оморе виниреи эри одомигьо. Эзуш бэгъэй, биё бу э гуьнжо овурде герекие гъувотгьо ве материально-технически овгъотгьо э гъозие-гъэдер бигIэдотлуье гъозиегьо»,– руй бири премьер эки бэхшвегиргьо гуьрдлеме.
Суьфдеи жигегир министре вокурдеи, архитектуре ве ЖКХ Исмаил Шихсаидов гуфдири, чуьки эри зурие песшендеи биренигьо э объектгьо ЖКХ хэребеигьо ве нэгъифеигьо, гьемчуьн дореи угьоре гъоимгъувотлуье кор сохдеи э герми дореие вэхд э гуьнжо овурде омори 57 хэребеие десдегьо э гъэдеревоз 285 одомигьо ве спецтехнике э гъэдер 80 ек.
Еклуье операторевоз э гуьре э везиферевоз гировунде омори 87 дерсгьо эри гермидореие идорегьо э вэхд эз март те июнь.
Э товун хьозуьрлугъи объектгьоре овгъотлуьигьо доренигьо эки ОЗП мэгIлуьм сохди жигегир серворе АО «Еклуье оператор э коргьой гIоведореигьо ве гIовевебердеигьо». Светлане Багрове бирмунди, чуьки омборе доруние гъэдер коргьо э и рэхьгьо гировунде омори эсер федеральни программе «Лап хубе шегьерие иловле».
Гьечи,эки меселен, э и сал э 9 хьэётгьо Махачкале Еклуье операторевоз бири бердеи коргьо эсер гировундеи тургьоре гермидореи ве герме гIоведореи эз эсер хории веровунде э зирхории. Э хьисобсохигьо нисе бегьеминие коргьо мибу дегиш сохде 1620 п.м. товгьо жире-бе-жирее диаметре.
Гъиметдии хьозуьрлугъи гермидореие идорегьо эки гермидореие вэхд 2025-2026-муьн салгьо сер гуьрди э 10 шегьергьо Догъисту. Чуьтам веди бири эз бирмундеи жигегире рэхьбере Кавказски рэхьбери Ростехнадзоре Догъисту Мураде Курбанове, э гъэд гьисдигьо коргьо везифе норе омори гъиметдии хьозуьрлугъи 28 гермидореие идорегьо. Везифегьо гировундеи гъимедиире хьозуьрлугъи шегьерие жигегьоре тогIин сохде омори ве гуфдире омори э хьуькуьм муниципальни соводигьо.
Министр энергетике ве гъиметгьо РФ Марат Шихалиев э бирмундеи эн хуьшде мэгIлуьм сохди э товун гировунде оморе э республике рейдови корисохигьо эсер фегьмсохи газе гировундеие хунегьо э веди сохдеи хуьшдени ю дешендеи газови оборудованигьо.
Гьемме э песой вэхд рейдови корисохигьо эз 23-муьн январь 2024-муьн сале те 8-муьн сентябрь 20215-муьн сале фегьм сохде омори 92 129 хэржисохдегоргьо, веди сохди гъонунепузмишигьо э 15 957 одомигьо. Омборе гъэдер гъонунепузмишигьо бирмунди э шегьергьо Буйнакске, Хасавюрте ве Махачкале.
Еки эз бинелуье терсдии гьемчуьн гьисди нисе дошдеи талаби эсер э кор венгесдеи дуреведебердеие ве вентиляционни ерхгьо.Гьемкоркигьо газови гъуллугъсохигьо гировунде андуьрмишие меслэхьэтгьо э хэржисохдегоргьоревоз. Зиёдие гъувот доре омори хэберлуье-андуьрмишие коргьо эСМИ.
Гьемчуьн пуьруьш сохде омори хьозуьрлугъи хунеие фонде регионе эки э вэхд гуьре э кор венгесдеи. Жигегир рэхьбере Хьуькуьмлуье хунеие фегьмсохи РД Арсен Гаджиев гуфдири, чуьки э республике хьисоб сохде омори 534 816 хунегьо, дешенде 5171 омборе хунеие хунегьо ве 527 402 жейлее хунегьо. Рэхьбери хунеие фондевоз э жиге овурде 183 УО, комикигъо гъуллугъ сохде 4058 омборехунее хунегьоре; ТСЖ ТСН, гъуллугъ сохде 398 МКД.
Жирелуье тигъэти доре оморе фегьмсохире э дорунхунеие ве э дорунутогъие газови оборудовани.
«Э гьовой э 10-муьн сентябрь, хьозуьрлугъи омбореутогъие хунеие фонде эки э
вэхд ю гуьре э кор венгесдеи гуьнжуьнде э миглеи 67-70%. Везифе норе омори рафдеи э Буйнакск ве Южно-Сухокумск эри гъэрорноме четиние пуьрсуьшгьоре э жигегьо гьееки э серворгьоревоз шегьергьоре.
Шегьергьо Хасавюрт ве Кизляр э пурлуье гъэдеревоз веровунди везифере эсер хьозуьрлугъи хунеие фонде эки гермидореие вэхд. Коре эсер хьозуьрлугъи эки зимисду зиёд сохде э гуьре э везиферевоз»,– бирмунди Гаджиев.
Премьер-министре гьемчуьн бири гуфдире э товун хьозуьрлугъи объектгьоре электротурие гуьрдномере эки э пушо дерие поизе-зимисдуне вэхде. Серворе инженер филиале ПАО «Россети Северный Кавказ» – «Дагэнерго» Саид Султанов риз кешири, чуьки э гъэд веровунде оморее э регионе Программе пушоки дире дануьсдеие дегиши 30 трансформаторгьоре те омореи гьеминоние зимисдуние шеле венореигьо.
Эзуш бэгъэй, Россети веровунде корисохигьо эсер зиёдсохи гъувотлуьигьоре э бинелуье хурекхури. Ижире коргьо веровунде оморе э 23 подстанцигьо. Гьечи, э 2025-муьн сал везифе нори дешенде 2 объектгьоре; ПС 110 кВ Восточни ве ВЛ 35 кВ Шамхал-Сулак.
Э арти гуьрдлемере республикански бинере эсер хьозуьрлугъи эки поизе-зимисдуне вэхде гуьре А.Абдулмуслимов дори жергей гъэдэгъэгьо гьеммей овгъотедореие идорегьоре, э зеверсер верие идорегьоре ве серворгьой муниципальни соводигьоре, комикигьоре гъэдэгъэ зери доре бегьем сохдеи хьозуьрлугъи объектгьоре эки гировундеи э пушо дерие поизе-зимисдунее вэхде э норе е гъэдер вэхд.
