Э гъэд гуьрдлеме Хьуькуьме Догъисту премьер-министр Абдулмуслим Абдулмуслимов мэгIлуьм сохди, чуьки имбуруз мибу доре гъиметдии хьозуьрлугъире эки гировундеи васалие зимиие коргьоре. Барасилуье гировундеи угьоре – гиров хубе бегьере э биёвгьо, егIни – бине эри барасилуье жирей корисохи гьемме зимиие беделе.

Пушокие фикир э бегьер лап хуби, оммо э пушо имуре денишире жугьобдорлуье е гъэдер вэгIэдо.

Жейлее тигъэти, э гофгьой премьер-министре, верзуьшлуь бире пуьрсуьш моллуье-технически овурде расундеи эки васалие зимиие коргьо: «Поисдеи э овурде расундеиревоз дизельни сухундение молгьоревоз эки сергири зимиие коргьо нисе гузет сохде. Имид, чуьки минкини сухдение молгьоре э песдеине мибу овурде расунде бегьем те эхир».

Чуьтам мэгIлуьм сохди Абдулмуслимов, жэгIмие везифе норе тум шендение жиге э республике э 2026-муьн сал гуьнжуьнде 369 гьозор га, э у гъэдер э оизи кошде гендуьм – э жигегьо 80 гьозор га. Эзуш бэгъэй, э республике гьисди 49 гьозор омборесаллуье савзе тумшени гирошдигьо салгьо.

Васалие тум кошдеи э республике везифе нори э жиге овурде э жигегьо 225 гьозор га, чуьки э 3 гьозор га омборте эз гьевелие сал.

Бине васалие тумшени веди бире гьечи:

— тэхуьли культуре – 60 гьозор га, э у гъэдер дуне – 13 гьозор га;

— хуреклуье культуре (омборесаллуье ве есалие савзигьо) – 96 гьозор га;

— хьэвуьжгьо – 40 гьозор га;

— ералмаси – 18 гьозор га;

— бохчеие – 7,2 гьозор га;

— технически – 4,5 гьозор га.

Э согъэвоз тум шендение кампани э гирошденигьо сал биё бу гировунде э гьуьндуьре риз гъэдерлуьи ве э нишонбирмуние агротехнически е гъэдер вэхд, гуфдири Абдулмуслим Абдулмуслимов.

Министр хозяйствой дигьбони ве хуреке Догъисту Шамиль Рамазанов гуфдири э товун корисохи хьозуьрлугъи эки э гьунжо овурдеие гировундеи васалие зимиие коргьо э 2026-муьн сал э гъэд муниципальни соводигьо.

Чуьтам бири бурмунде гьевел, васалие тумшени э республике везифе нори э жиге овурде э жигегьо 225 гьозор га, чуьки э 3 гьозор омборте эз гьевелие сал.