Догъисту э 2026-муьн сал вегуьрди э 4 бо омборте овгъотгьоре эри проекте эсер хьозуьр сохдеи корсохгьоре э АПК. Э товун эну э гъэд жэгIмие гуьрдлеме гIилмие- гьэгъигъэтишие гуьрдлеме «Параменди агропромышленни комплексе Республике Догъисту: тозе рэхьгьо ве корсохие овурде расундеи» ихдилот сохди Сернуьш Хьуькуьме РД Абдулмуслим Абдулмуслимов.
У ихдилот сохди, чуьки э войгеревоз гъэрорномере везифегьо эсер овурде расундеи сэхьиблугъире синогълуье сэнигIэткоргьоре э гъэд миллетлуье проекте «Технологически овурде расундеи хуреклуье сэконеисуьзире» веровунде оморе федеральни проекте «Корсохгьо э АПК».
Э веровундеи федеральни проекте э 2025-муьн сал Догъистуре бири пушоки дире дануьсдеи овгъотгьо э доруние гъэдер 23,1 млн монет. Э песой хьисоб эн угьо э гуьнжо овурде омори 26 агртехнологически классе, эз комикигьо дуь классе э Новолакски ве Сулейман-Стальски районгьо овурди расунди оборудовани ве тозе сохди (МКОУ «Чапаевски СОШ №2» Новолакски районе ве МКОУ «Новопоселкови СОШ» Сулейман-Стальски районе).
Эзуш бэгъэй, 15 хориие моле бегьем сохдегоргьоревоз э хуьшде вогосунди 108 сенигIэткоргьоре э веровундеи бинелуье проектгьоре э иловле АПК э песой хьисоб э ихдиёри дореи угьоре муьзде дореи симулирующи жире.
Э 2026-муьн сал э веровундеи федеральни проекте «Корсохгьо э АПК» пушоки дире дануьсдеи 93,1млн монет. Угьо мибу э кор венгесде эри гъэрорноме четинигьоре в гъэгьтии синогълуье корсохгьоре э АПК ве зевербиреи риз гъэдерлуьире пур сохдеи те эхир корхонегьо сэхьиблуьире сенигIэткоргьоревоз.
