Сергей Меликов бэхш вегуьрди э гуьрдлемей подкомиссие э товун сафарлуье инвестиционни проектгьой эн федеральни мэгIэнолуьи эн Хьуькуьметлуье комиссие эри параменд сохдеи сафарире. Гуьрдлемере гировундебу жигегир эн Сернуьш Хьуькуьмет Дмитрий Чернышенко.
Бинелуье докладе нушу доребу жигегир эн министр экономически параменди Дмитрий Вахруков. Гуфдиренки э товун э кор венгесдеи федеральни проекте «Пенж дерьегьгьо ве дерьегьче Байкал», у гуфди ки Догъисту дери э гIэрей регионгьо э хубе ве барасилуье синогъиревоз рэхьбери сохдеи мескенгьоре.
Сервор Догъисту ихдилот сохди э товун э кор венгесдеи проекте «Каспийски прибрежный кластер». Э гофгьой эн Сергей Меликов гуьре, тогIин сохде омори проектгьой планировке ве серхьэдгьой мескенгьо эн Каспийски прибрежни кластер.
Кавказ.РФ вихде омори гереклуье расунденигьо инфраструктуре эри кор сохдеи гьеммей курорте. Эри 6 объектгьо эз 7 бегьем сохде омори проектни-офденигьо коргьо эри э гуьнжо овурдеи доруние инженерни инфраструктурере, вегуьрде омори хубе гъэрорноме эн бинелуье хьуькуьметлуье фегьмсохи ве бесде омори игъролгьо эри веровундеи вокурденигьо-монтажни коргьоре; вокурде оморени омбаретарафлуье меркез.
Вожиблуьи эз доклад:
— республике хьозуьр сохди проект эн рэхьлуье инфраструктурере ве эн системей гIоврасундеире;
— вегуьрде омори хубе гъэрорномегьо эн хьуькуьметлуье фегьмсохи эри вокурдееи чор мескенгьой эн региональни рэхьгьо э дуразовунеи 24,8 км;
— бегьем сохде омори коргьо э товун проектни документацие эри гIоврасунденигьо гуьрдноме.
Хьозуьр сохде оморени технически ек сохдеи объектгьой гIоврасундеире;
— э гIэрей Кавказ.РФ, ООО «Газпром газораспределение Дагестан» ве ООО «Газпром газификация», гъул кешире омори игъролноме э товун технологически екбиреи;
— бесде омори 25 игъролномегьо э жэгIмие гъэдер инвестициегьоревоз 112 млрд монетгьо эри 7476 нумиргьо. Эзугьо – 16 – гьеммишеинегьо э товун 18 проектгьо, жэгIмие гъэдер инвестициегьо эри энугьо – 60 млрд монетгьо эри 3 492 нумиргьо;
— гъул кешире омори инвестиционни игъролномегьо э товун везифегьо э 9 хэел сохде оморенигьо бэхшвегиргьоревоз эри 13 инвестиционни проектгьо.
