Э гирошдигьо орине э Дербенд бири дуь эекиревоз гуьрдлеме организационни комитете эсер хьозуьрлгъи ве гировундеи э шегьерие район мигIиде Сале еклуьги хэлгъгьо Уруссиете ве 81-муьн серсали Бараси э Келе довгIой Ватани (1941-1945-муьн сс.), э комики гъобул сохди бэхшвегири сервор Дербенде Ханлар Пашабеков, сернуьш шегьерие Гуьрдлемере депутатгьоре Гасан Мирзоев, гьемчуьн рэхьбергьо ве нушудорегоргьо структурни десдегьоре, жэгIметие ве месебие идорегьо.

Вокурди корисохире Х.Пашабеков, комики бирмунди, чуьки гьемме везифе норе корисохигьо э шегьер, комики гIуьзет сохде омори э и дуь вожиблуье руз ве салевоз биё гирору фикир сохдеревоз ве э мигIидлуье овхьолет иловлеиревоз.

«Хэлгъгьой вилеет эн имуре гуьрд сохде э идоре омборе жэгIмие: гье у эн иму игидие торих, омборедеврлуье дингьо, жирелуье культуре, ватанхогьи ве еклуьги, ве гьемме гье у гъиметлуьигьоре иму хьитиет дошденим. Гьэгъигъэт э гье у эн иму хэлгъие дингьо ве гереки сохде тигъэти э вэхд хьозуьрлугъи Дербенде эки корисохигьо, комикигьо гIуьзет сохде Сале еклуьги хэлгъэгьо Уруссиете ве 81-муьн серсали Бараси э ВОВ»,- риз кешири сервор шегьере.

Сервор Рэхьберисохи культурере, жовоние политике ве спорте Самиле Наджафове ихдилот сохди э товун везифе норе оморе э шегьер мигIиде, концертгьоре бирмундеигьоре ве ватанхогьие корисохигьоре.

Э жиге бирегоргьо хэбер дореи бэхшвегиргьой гуьрдлемере э товун везифе норе корисохигьоре, э пушо нори дегишигьоре э корисохи гировундеи угьоре ве деберди жергей фикиргьоре э сер э гуьнжо овурдеи хьозуьрлугъи эки вожиблуье руз ве салгьо.

Ханлар Пашабеков фикире гуфдиреи имидире, чуьки гьемме везифе норе корисохигьо мигирору э Дербенд верзуьшлуь ве э гьуьндуьре э гуьнжо овурдеие риз гъэдерлуьиревоз.