Э гъэд дуь эекиревоз гуьрдлеме Республикански оголзереие игъроле ве Зурие бинере Республике Догъисту, комики бири э зир сернушевоз Серворе Республике Сергее Меликове, пуьруьш сохде омори бинелуье пуьрсуьшгьо, комики жэгIмие эри огол зереи одомигьоре э лешгерие гъуллугъсохи ве э хуьшде вогосундеи угьоре эки бесдеи игъроле контрактгьоре э товун гирошдеи гъуллугъсохире э Ерэгъленмишие Гъувотгьо РФ.
Сергей Меликов бирмунди, чуьки оголзереие кампани э республике гирошдени лап хуб. У э ёр овурди э тоун тозедегишигьо, комики сер гуьрде корисохдеи эз нуботлуье сале ве гьишде гировунде оголзереире э лешгерие гъуллугъсохи согъ сал. Гье у мэгIэнолуь бире, чуьки корисохигьо, бесде оморе э оголзереиревоз, ижире чуьтам медицинеие фегьмсохи ве гуьрдлеме оголзереие игъроле, имогьой мидану гировунде э вэхдгирошди гьеммей сале, эз 1-муьн январь те 31 декабрь. Оммо фуьрсореи оголзерегоргьоре э лешгери мибу э жиге овурде э дуь динлуье вэхд.
Сервор Догъисту гъэдэгъэ зери гировунде коре э гьемме лешгерие серворгьоревоз ве гуфдире э угьо тозе талабгьоре.
Лешгерие сервор республике Абдурахман Мурадханов шинох сохди хэбере э товун коре оголзереие комиссие муниципальни районгьо ве шегьерие жигегьо, гьемчуьн э товун барасигьо фуьрсореи одомигьоре э лешгерие гъуллугъсохи э ноябрь 2025-муьн сале. У бирмунди, чуьки фуьрсореи оголзерегоргьоре э жиге овурде э везифелуье жире.
Кимигьо лешгерие серворгьо эз вэхд зуте веровунди гъэрхунди эн хуьшдере. Барасилуь веровунди везифере э Хунзахски ве Тарумовски районгьо. Гьемчуьн эз вэхд зуте зиёд сохде доре оголзерегоргьоре э Махачкале, Дербенде, Дагестанские Огни, Кизляре, Южно-сухокумске, Дербендски, Кизлярски, Бабаюртовски районгьо.
Серворгьой муниципальни соводигьо гъэдэгъэ зери дуь эекиревоз э гьемкоркигьоревоз лешгерие серворгьоревоз зевер сохде мэгIлуьметире оголзерегоргьоре. Гьемчуьн везифе норе омори зиёд сохде гьемкоркии э СМИ эри зевер сохдеи хэберлуьи могьлугъе э товун оголзереи э лешгерие гъуллугъсохи.
«Кор гировунде оморе э гуьре э зуте доре оморе буйругъигьоревоз, оммо эри уре веровундеи талаб сохде вэгIэдо. Э жэгIмие мере гьисди боворини, чуьки коргьоре э оголзереиревоз иму миворовуним»,- гуфдири Сергей Меликов.
Э гуьрдлеме фегьм сохде омори пуьрсуьш хьозуьрлугъи одомигьоре лешгерие-хьисобсохие сэнигIэтгьоревоз э соводие идорегьо региональни беделе ДОСААФ.
Сервор регионе бирмунди, чуьки гьемметарафлуье хьозуьрлугъи жовонгьоре эри гъуллугъсохи э лешгери – гье у вожиблуье рафдеи эки муьхькем сохдеи гъэлхэндие хьозуьрлугъи вилеете ве параменди сенигIэткорлуье хутеигьо э биёвгьо гъэлхэндчигьо Ватане.
«Имбуруз иму вогошденим эки у динлуье корисохигьо э хьозуьрлугъи жовонгьоре эки гъуллугъсохи э лешгери, комикигьоре гировунди э гьевел биригьо салгьо ве соводие идорегьо, ве ДОСААФ,ве жэгIмие-ватанхогъие идорегьо. Э гьеймогьоине талабигьо гъэдер лешгерие-хьисобсохие сенигIэтгьо омбор бири, чуьки бесде омори э веди биреиревоз тозе лешгеригьо. Зевер бире ве талабигьо эки хьозуьрлугъи э хьисобсохиревоз омборе войнегьо»,- гуфдири С. Меликов.
Гьееки э уревоз, э гофгьой серворе регионе, вегуьрдеи лешгерие-хьисобсохие сенигIэте вокурде э пушой жовонгьо тозе минкинигьо: бэгъдовой гирошдеи гъуллугъсохире жовоне одоми мидану параменди сохде сенигIэт эн хуьшдере, ве вегуьрде тозе сенигIэте, ве нисе екире»,- гуфдири Сервор Догъисту, бирмунди омборе жиге те оголзереие хьозуьрлугъире.
Э гофгьой военкоме республике, гъэрхунди э хьозуьрлугъи э суьфдеи вэхд 2025-2026-муьн хундение сал гуьнжуьнде 456 одоми, эз комикигьо вихде омори 366.
Эри э хуьшде вогосундеи жовонгьоре уже гъэрор норе омори жергей пуьрсуьшгьо, дешенде дореи пулсуьзе когъозгьоре эз наркологически ве психиатрически медицинее идорегьо, гьемчуьн муьзде дореи э песой киро хунере.
Лешгерие сервор э пушо нори: ихдилот сохде э могьлугъ э товун зевербиреи хундеире э РО ДОСААФ э пулсуьзе бине; сернуьшгьоре оголзереие комиссие дуь эекиревоз э лешгерие серворгьоревоз шегьерие жигегьо ве муниципальни районгьо вегуьрде э фегьмсохи хуьшде корисохи вихдеи ве хьозуьрлуьгъи хундегоргьоре э автошколегьо.
Сернуьш региональни беделе ДОСААФ Шамиль Алиев гуфдири, чуьки э имбурузине руз берде оморе хьозуьрлуьгъи одомигьоре э бине 7 соводие идорегьо республике. Э песой гирошдигьо хундение 2024-муьн сал хьозуьрлуьгъире гирошди ве дори гъиметдиире 780 одоми.
Сергей Меликов бирмунди э гереклуьи хубте сохдеи хундение-моллуье бинере идорере.
Меликов гьемчуьн риз кешири вожиблуьи ловсохдеи лешгерие сенигIэткорире, бирмунде, чуьки гьейсэгIэт дегь офицергьо эз Догъисту сервори сохде гуьрдномеревоз генеральски десде э жиге СВО, ве кимигьоре эз угьо эз угьо дори нум Игиде Уруссиете. Гье у бирмунде, чуьки догъистунигьо хэрекети сохде гъуллуьгъ сохде ве сохде гье уре барасилуь. Оммо омборе жовоние одомигьо нисе дануьсде э товун гьисдигьо минкинигьо.
Э гофгьой серворе регионе, гереки зиёдгъувотлуьи доре э хьозуьрлуьгъи жовонгьоре, сер гуьрде эз муниципалитетгьо. У э ёр овурди э товун гуьнжолуьи классгьоре эсер рэхьбери пилотнисуьзе учмишбиреие аппаратгьоревоз э жергей шегьергьо, чуьки гьисди корисохиревоз э дузе рэхьгьо.
