Сернуьш Хьуькуьм Республике Догъисту Абдулмуслим Абдулмуслимов имбуруз, 23 апреле, гировунди гьероринеине гуьрдлеме Зутее штабе э товун расундеи гъоимгъувотлуье параменди экономике РД э хьисобсохи бурунее бире гъозие
Э имбурузине гуьрдлеме бири ведеберде пенж пурсуьш, е гъэдер расире тигъэти органгьо хьуькуьмлуье хьуькуьм республике ве органгьо гьемшегьери хуьшденрэхьбери э руйбиреи инсон, дебердеи мэгIлуьметлуье технологие э жэгIмисоводлуье идоре, овурде гъэдерлуь-расди кор э товун ихдиёри доре эз республикански пул расундеи юристи одоми гереклуье федеральни жергей гъонунгьо, четини ведеберде ТКО гьемиге дебердеи муниципальни меселини э регион.
Э гуьрдлеме бэхшвегири сохди гьеммей ю кабинет министригьо Хьуькуьм Догъисту, сервор муниципальни данани ве рэхьбергьо сенигIэткорлуье бэхшсохие федеральни органгьо хьуькуьм.
Рэхьбер Хьуькуьм Сервор ве Хьуькуьм РД Алексей Гасанов нушу дори э доклад хуьшде бирмунуши фегьмгери руйбиреи догъистонигьо эз 16 те 22 апреле, нуьвуьсде оморигьо Бинелуье Рэхьбери регионе э тегьер «Жирелуье гъозие-гъэдер зиреклуье рэхьбери».
1711 руйбиреи инсон нуьвуьсди ЦУР Догъистони э гирошдигьо орине
Э органгьо веровундеи хьуькуьм догъистонигьо фуьрсоре омори 568 руйбиреи енебуге 33% эз гьемме гъэдер, э муниципальни данани – 596 (35%), э жуьр-бе-жуьрелуье овгъотрасундеи идоре – 547 руйбиреи (32%).
«840 руйбиреи е гъэдер расиреи гъосуьт энергорасундеи ве фуьрсоре э Минэнерго РД ве «Догъисту энерго» (мескенлуь э гъэд Махачкале – омборте 800 пуьрсуьшгьо э гъосуьт электро расундеи). У гьемиге эрзо зери, чуьки гуьре фегьм сохдеи фегьмгери э тегьер «Жирелуье гъозие-гъэдер зиреклуье рэхьбери», не гьер органгьо эз гъонун не ведарафдеи дегьишденигьо игърол ихдиёри доре жугьобгьо э руйбиреи инсон.
Рэхьбер АГиП РД гIуьзет сохди зевер биреи руйбиреи инсон э товун пуьрсуьш ведеберде ТКО э регион э гирошдигьо орине.
Гуфдиреки, А.Абдулмуслимов э рэхьберсохгьо муниципальни дананигьо э оголзереи гъобул сохдеи зутее жире кор э товун зиёдие гъувот доре оморе коре муниципальни гъуллугъсохи э гъосут недегьишдеи хокоруи сигъмиш бире, жирее э пушо ве вэхд майски рузгьо форигъэтии.
Гьечуь, эз гофгьо Минтебиети Догъисту Абдулы Умаханове, э имбурузине руз вечиреи пул э миглеи э гъэд республике зевер нисди эз 30%.
«Гьисдигьо региональни операторгьо хуьшдени гъувотевоз гъуллугъ сохде энжэгъ шегьергьо Махачкале, Дербенд ве Хасавюрт. Э угьонигейге муниципальнигьо дананигьо вечиреи ве транспортировке хокору э жиге овурде субподряднигьо идорегьо рэхьберисохи органгьо муниципальни хьуькуьм. Мере воисдени согъбоши гуфдире э серворгьо районгьо республике э доре кумекии э региональни операторгьо ве идоре вечиреи хокору э рэхьберисохи угьоре мескен»,- руйбиреи эки серворгьо гьелелуьге корсохии министре.
Сернуьш Хьуькуьм РД мэгIэнолуь бире вожиблуьи пуьруьшсохи пуьрсуьш э жейлее мейдон э бэхшвегири гьемме, эн ки жейлее чапарлуье мескен жугьобдорлуье гьисди гьисдигьо рэхь кори.
Се пилотние школе Махачкале, Каспийске ве Дербенде барасилуьи гирошди е гъэдер вэгIэдо дешендеи э МЭШ
Гуфдиреки э товун дешендеи э республике Московии электронни школе, А Абдулмуслимов ихдилот сохди, чуьки э гирошденигьо сал сергуьрди хьозуьрлугъи жерге кор э товун бегьм дуьруьжде дешендеи гьемме региональни школегьо э МЭШ.
«Еки эз жейлее фикир данани гьисди минкини, эри расунде комики эз 2023-муьн сал сергуьрди кор венгесдеи проекте э товун дешенде школегьо э Московии электронни школе, электрони жире ве ведибиреи э экран дерс»,- гуфдири у.
Гуфдире э товун дешендеи мэгIлуьмети технологи э жэгIмисоводлуье идоре республике, рэхьбер МиндананигIилми РД Яхья Бучаев гIуьзет сохди эхир коре э гуьнжо овурде хундение плангьо МЭШ э догъистонии школегьо э 89,7%. Э тегьер желдлуь дебердени вэхд гировундеи хундегоргьо.
Эри деде-бебе э гьер дэгъдэгъэ вэхд мибу верасирени тегьер гировундеи вэхд, гъиметдии, мэгIлуьмети э товун э жиге биреи ве недебиреи гIэилгьо угьоре э дерс, э гуьнжо овурде зиреклуье когъоз гIэилгьоре, гъэножогъи э тербиедорегоревоз. Эри тербиедорегор муьхькемсохи бире жирей корсохи хьозуьрлугъи э дерс, веди бире минкини э еки корсохи э зиреклуье когъозгьоревоз, дошдеи угьоре, гьемиге э гуьнжо овурдеи жуьр-бе-жуьрелуье зиреклуье когъозгьо.
Кор серворгьо муниципалитетгьо мибу гъиметдоре э гъэдер э хуьшде вогосунде пул расундегор э МО
Э фикиревоз дешенде гъиметдореи кор рэхьберсох муниципальни данани э гуьрдлеме Зутештабе бирмунуши рэхьбер Агенстве э зиреккорсохи ве пул расундеи РД Гусейн Гусейнов.
Гьисдигьо фикир А.Абдулмуслимов бири разилуьи ве мэгIлуьм сохди, чуьки мэгIлуьмети мибу фуьрсоре э Хьуькуьм Сернуьш ве Хьуькуьм республике.
