Гьероринеине гуьрдлеме зутее штабе э товун расундеи гъоимгъувотлуье параменди экономике э хьисобсохи буруние бире гъозие гирошди 16-муьн апрель, э рэхьбери Сернуьш Хьуькуьм Догъисту Абдулмуслиме Абдулмуслимове.
Бэхшвегиргьо пуьруьш сохди пуьрсуьшгьо тигъэти доре региональнигьо органгьо хьуькуьмлуье хьуькуьм ве гьемшегьери хуьшденрэхьбери э руйбиреи одомигьо, фегьм сохди четине пуьрсуьшгьо э гIоврасундеи ве дур бердеи ве екигегьо
Э пуьруьшсохи гъобул сохди бэхшвегири гьемме десде министргьо, э тегьер экран дениширеи конференцие – серворе муниципальни данани идоре, рэхьберсохгьо сенигIэткори мескени федеральнигьо органгьо хьуькуьм, парламентари.
Вокурдеи кор штабе, Абдулмуслим Абдулмуслимов сер гуьрди эз ёр овурдеи э товун, чуьки гьеймогьоине жирелуье жэгIмет – гье у зевербиреи желди могьлугъ э тур «Интернет», э жуьр-бе-жуьрелуье социальни тургьо, э комигьоки зигьисдегоргьо республике шуькеет бире э веди биреи э гъэд жуьр-бе-жуьрелуье гъосуьт зиндегуникори четини.
Э докладевоз фегьмгери руйбиреи инсон э гирошдигьо орине бирмунуши Суьфдеи жигегир Рэхьбер Хьуькуьм Сервор ве Хьуькуьм Республике Догъисту Махач Омаров.
881 руйбиреи инсон нуьвуьсде омори ЦУР Догъисту э гирошдигьо орине
У мэгIлуьм сохди, чуьки ЦУР Догъисту э гирошдигьо орине нуьвуьсде омори 881 руйбиреи инсон, чуь э 1051 руйбиреи енебуге э 54% кемте, эз пушотеине вэгIэдо зофру биреи гъэдер руйбиреи э сереботи рузгьо форигъэтии, гьеммиге ве руйбиреи рэхьбергьо республике э энергетикгьо не гировунде планови коргьо э пушотеине орине э вэхд гировунде мигIид диеш гуфдири доклад хундегор.
«Э органгьо бегьем биреи хьуькуьм гировунде омори 295 руйбиреи енебуге 33% эз гьемме гъэдер, э муниципальни данание идоре – 339 (38%), э жуьр-бе-жуьрелуье ресурсорасундеи идорегьо – 247 руйбиреи (29%). Эз гьемме хьисоб 418 руйбиреи гьисди эз лой энергорасундеи ве гировунди э Минэнерго республики ве «Догъистэнерго».
Абдулмуслим Абдулмуслимов хосди эз мэргьо шегьергьо андуьрмиш сохде войне эз бине ведешендеи доргьоре э шегьери жигегьо
Шинох сохдеи мэгIлуьмети э войне фегьмсохи кимигьо руйбиреи, Махач Омаров, ихдилот сохди, чуьки э соцсетигьо веди бири мэгIлуьмети зигьисдегоргьо Махачкале ве Каспийске э товун эз бине ведешендеи доргьоре э е ченд мескен. Шегьерии хьуькуьмигьо бири андуьрмиш сохде э товун гьисдигьо бире гъозие, э у хьисоб: «Хьуькуьм Махачкале мэгIлуьм сохде, чуьки гировунде оморе дуьруьжде тозе сохдеи парке нум Сулеймане Стальского, э у хьисоб эз бине ведешендеи куьгьне ве пусире доргьо, э жигей комигьоки мибу кошде тозе шивлей дори, омборте 300 доргьо»,- ихдилот сохди Махач Омаров. Гоф сохдеи, А.Абдулмуслимов огол зере серворгьой шегьере зиёд сохде мэгIлуьмети э товун гировунде кор эри ники ве хуши ве гъуьчсохи э шегьери мескенгьо.
«Хогьиши серворе Махачкале ве екиге рэхьбергьоре муниципалитетгьо бирмундеи э у тигъэти. Гереки андуьрмиши сохде э инсон, чуь гировунде э шегьер, эже гировунде оморени тозе сохдеи, эжеки кошдеи тозе доргьо, ве комини мибу барасигьо»,- гуфдири Абдулмуслимов.
Бирмунуши э товун кор Еклуье операторе э гъосуьт гIоврасундеи ве дурбердеи Республике Догъисту денори э пуьруьш гуьрдлеме зутее штабе
Э рамке гуьрдлеме рэхьбер АО «Еклуье оператор Республике Догъисту э гъосуьт гIов расундеи ве дурбердеи» Магомедгаджи Шалиев ихдилот сохди э товун гировунде кор ве э пушо норе везифе жерге кор.
«Пушоки нори гъуьчсохи 53 гIовкеширеи жигегьо, дегиши 58,02 км гIовгировундеи ве 17,5 км канализации тургьо. Э гъосуьт гермирасундеи пушоки нори гъуьчсохи 114 тек гIовгермсохи гъоб ве дегиши 29,96 км гермеилчи», ихдилот сохди Шапиев.
А.Абдулмуслимов гIуьзет сохди, чуьки Еклуье операторе гереки зиёд сохде мэгIлуьметии рэхь сохдеи кор хуьшдене, фикир сохде э зигьисдегоргьо республике, комини келе гъэдер кор гировунде идоре. Премьер-министр гъэдэгъэ зере дешендеи пуьруьш э товун сохде кор Еклуье операторе гъэд гуьрдлеме Зутее штабе эри эну фегьмгери э зиёд фирегьсохи одомиоревоз.
Гьемреспубликании субботник гировунде мибу э Догъисту 20-муьн апрель
Э гъэд гуьрдлеме Сернуьш Хьуькуьм Республике Догъисту пушоки мэгIлуьмети дори гировундеи 20-муьн апрель гьемреспубликански субботник ве гъуллугъ дори рэхьбергьо органгьо корсохи хьуькуьме ве гьемшегьери хуьшденрэхьбери РД дофус зереи герек гьисдигьо гъэдер акт ве гъобул сохди э у бэхшвегири.
«Ме руйбиреи э гьемме министерствегьо, хьуькуьмгьо, муниципалитетгьо, ве, э серворгьо дигьбони жигегьо э пушо майскигьо рузгьо форигъэтии э гуьнжо овурдеи кучегьо дигьбони жигегьо»,- гуфдири премьер министр.
