Сернуьш эн Хьуькуьм Догъисту Абдулмуслим Абдулмуслимов гировунди гуьрдлемей Зутее штабе э сереботи нечогъ биреи форигъэти вегуьрденуьтгьо одомигьо э сафарлуье жиге «Рубас» э Дербентски район эн республике.
Э пуьруьшсохи бэхш вегуьрдебируьт рэхьбергьой эн Уруссиетлуье потребительски назари э РД, эн министерствой жунсогъи, эн министерствой соводи ве унигегьо.
Э инфекционни отделение эн ГБУ РД «Дербентская ЦГБ» э больнице дегердунде оморебу 20 одоми, э и хьисоб се келетегьо ве 17 гIэилгьо, э чеврерурие гIэзоревоз. Э даннигьо эн духдиргьо гуьре, нечогъи гирошдени э асанте ве миенее тегьер.
Эри гировундеи эпидемиологически фегьмсохире ве эри э гуьнжо овурдеи гъэршуйэпидемически коргьоре э жигей нечоъбиреи фуьрсоре омори сенигIэткоргьой эн Уруссиетлуье потребительски назари эн Республикей Догъисту. Гировунде оморени кор эри офде рэхьгьоре ве гъозиегьой нечогъбиреире. Нисд сохде нисе оморе гъозие гьебелкине нечогъ бире оморебу э вэхд гировундеи экскурсиере э е эз районгьой республике, эже э гуьнжо овурде оморебу хурек эри десде. Гъэршуйэпидемически коргьо гировунде оморени э сафарлуье жиге «Рубас» ве э могьлугълуье жиге, эже гировунде оморебу экскурсие.
Вегуьрде омори клинически мол эз нечогъгьо эри гировунде бактериологически ве вирусологически фегьмсохигьоре.
Эри фегьм сохдеи овхьолете мерэгълуь сохде омори сенигIэткоргьо эн гьемме гъуллугъсохигьо. Гьемме нечогъгьоре доре оморени гереклуье медицински кумеки.
А.Абдулмуслимов жугьобдорлуье одомигьоре дори гъуллугъ гуьрде овхьолете э гьеммишеине назари ве бежид ихдилот сохде э товун овхьолет.
