Сернуьш Хьуькуьме Догъисту Абдулмуслим Абдулмуслимов э гъэдэгъэи Серворе РД Сергее Меликове гировунди гуьрдлеме э сер гъозие э энергодореиревоз Догъистуре.
Везифе гуьрдлеме – пуьруьшсохдеи биригьо гъозие э энергодореиревоз э регион, веди сохдеи четинигьоре ве гъобул сохдеи гъэдере э сер угьоре нисд сохдеи. Э песой песини дегьсели Догъисту бири еки эз серворгьо Софуне Кавказе э сер зурии зевер биреи промышленни ве агропромышленни тарафе.
Тозе корхонегьо, хозяйствой дигьбони ве сафарие коргьо э гуьнжо овурде гене э гьисдигьо гъувотлуьигьо.
Вожиблуье лойевоз пуьруьшсохире бири:
Бежиде хэребеигьо ве четинигьо э дореи электроэнергие, комикиьо огол зере омори зевер биреиревоз шелегьойревоз э куьгьне тургьо.
Зобуне овхьолет ризгьой электропередачгьо ве бэхшсохдеи электроэнергиере, комики зевер бире недебиреиревоз герекие гъэдере гьеймогьоине гъувотлуьигьо.
Хьэсуьли хэребеие гъозигьо, комики бесде оморе э гъэдерсуьзе хэржисохиревоз электроэнергие, ижире чуьтам келе эз еки жейле сохдеи товуше ве пучи сохде техникере.
Четинигьо ве оглзереигьо
Герекии бирден гъуьчсохие коргьо э тургьо гьуьндуьре напряжение.
Э вэхд ю герек гьисдигьо э кор венгесдеи дузе везифере тозе сохдеи энергетически инфраструктуре, комики э хьисоб дешенде биёвгьо гереклуьи регионе.
Гереклуьи э хуьшде вогосундеи соводлуье корсохгьоре ве герекие технически бине эри хубе веровундеи тозеден э хуьшде дировундеие коргьоре.
Четинигьо дореи гьеммишеине овурде расундеи дуьруьжде могьлугълуье жигегьо ве вожиблуье объектгьоре (медицинеи идорегьо, социальни объектгьо).
Жейле вегири сес сохди пуьрсуьш верасирение тегьер хубе медицинеи кумекии зигьисдегоргьоре дурие районгьоре, э сереботи бежиде ведешендеи электроэнергие лап четин сохде дореи медицинеи кумекиире.
Бэхшвегиргьо гуьрдлемере э гуьнжо овурди жергей войгегьоре ве кумекие тэгIрифире дореи, комикигьо фуьрсоре омори э муьхькеме мескен гъозиере ве кем-кемие нисдсохи четинигьоре э кор венгесдеи жейлее векиле идорере, комики фегьм сохде ве рэхьбери сохде пуьрсуьшгьоре энергодореи регионе.
Хубте биреи фегьмсохире ве пуьрсуьшдореире овхьолете тургьоре
Э пушо норе гъувоте зиёд сохде пуьрсуьшдореире овхьолете электрически тургьоре ве э вэхд ю веди сохде жигегьоре, комики михьтож бире э гъуьчсохи енебуге дегиши. Эри эну гереклуьи э гуьнжо овурде жейлее гъуллугъсохи, комикире гьисди гьеймогьоине овгъотгьо фегьмсохире.
Зиёд фирегьсохи доруние гъэдере гъучсохие коргьоре ве тозе сохдеи оборудованигьоре
Вожиблуьи зиёд сохде пуледореи гъуьчсохие коргьоре ве дореи э вэхд ю дегиши куьгьне оборудовании тозеревоз, комики жугьоб доре гьеймогьоине нишоне хуби ве имидлуьи.
Зевербиреи барасилуьи э кор венгесдеи тургьоре
Вожиблуье рэхьевоз мибу хубте биреи жирей корисохигьо рэхьбери э энергоснабжение, дешендеи автоматизированни коргьой хьисобсохи электроэнергие.
Боржбери э гъонунсуьзлуье екбиреиревоз
Мибу зиёд гъувотдии фегьмсохи э песой дошдеи гъонуне екбиреи эки электротургьо, зулумлуь сохде омори вихьтеи биразии гъонунепузмишире ве гъобул сохдеи гъэдергьоре э сер поюндеи не гьишдеие хэржисохи электроэнергиере.
Соводие корисохигьо ве хэбер дореи могьлугъе
Везифе норе омори э гуьнжо овурде хэберлуье кампанире, фуьрсоре омореие э зевер биреи шинох сохдеи могьлугъе э товун тегьергьо секонесуьзе э кор венгесдеи электроэнергиере ве тегьергьо дошдеи овгъотгьоре.
Пуледореи ве рэхьберисохи зиёдгъувотлуьигьоре
Тозе сохдеи энергосистемере талаб сохде омборе пуллуье хэржигьо ве рэхьберисохи э гIэрей жире-бе жире э гуьнжо овурдеигьо. Везифе норе омори э хуьшде вогосунде федеральни овгьотгьоре, э кор венгесдеи омборесаллуье везифе параменди ве э гуьнжо овурдеи корисохие десдере эри зурие жугьоб дореи э гьисдигьо четинигьо
Гировундеи ижире гуьрдлемере бирмунде войгей рэхьберисохигьой регионе гъэрор норе четинигьой энергодореигьоре гьеммере ве жугьобдорлуьи. Э бараси пуьруьшсохи бэхшвегиргьо омори экие кие фикир э товун гереклуьи гьобул сохдеи зурие гъэдергьо эри те биреи нисд сохдеи песдеине зобуне коргьо. Бири тогIин сохде нуботноме суьфдеигьо корисохигьо, комики дешенде э кор венгесдеи везифе корисохигьоре, дореи бюджетни овгъотгьоре ве э гуьнжо овурдеи хэберлуье кампани э гъэд могьлугъгьо.
Бинелуье войге бири тозеден э хуьшде дировундеи имидие энергодореи регионе, комики гьишде вирихде келе ведешендеигьоре ве э гуьнжо овурде хушхьоле минкинигьо эри экономически желдии ве хубе зигьисдеи одомигьоре.
