Суьфдеи жигегир Сернуьш Хьуькуьме РД Манвел Мажонц э овхьол ВКС гировунди гуьрдлеме хьуькуьмлуье несиете э сер э гуьнжо овурдеи фикиргьоре э зуте мэгIлуьм сохдеи гъонунсуьзлуье э кор венгесдеи хорие муьлкгьоре ве песшендеи войнере эки гъонунсуьзлуье вокурдеи.
Бэхшвегиргьо несиете пуьруьш сохди э кор венгесдеи гъэдере э офде талабе омборехунеие хунегьо, комикигьоре эз жерге вегуьрде эз нуботноме хуьшдени ю э гуьнжо овурдеие объектгьоре вокурдеире, гировундеи коре э гъэножогъи объектгьоре, комикигьо вокурде омори э гъонунепузмиширевоз шегьеревокурдеие жергей гъонунгьо ве гъобул сохде гъэдергьоре э зуте мэгIлуьм сохдеи ве негьишдеи хуьшдени ю вокурдеигьоре.
Гуфдире э товун гIэрее барасигьо гировунде оморе коре э гъэножогъи хуьшдени вокурдеие омборехунее хунегьо, М Мажонц бирмунди хубе параменди э и рэхь. У риз кешири, чуьки эри зевербиреи барасилуьи муниципальни соводигьо республикере вожиби зури-зури веди сохде ве не гьишде гъонунсуьзлуье вокурдеире, гьемчуьн гъувоте зиёд сохде гъэдергьоре э веди сохдеи вокурде оморе хунегьоре, комикигьо нисе бири э хьисобсохи.
Суьфдеи вице-премьер бирмунди э вожиби гировундеи андурмишие коргьо э гъэд могьлугъгьо э товун эзуновлейге бире гъозие хуьшдени ю вокурдеигьо, гьемчуьн э товун вожиби дошдеи гъонуне норе гуьнжолуьи вегуьрдеи руьхсете когъозгьоре. Бири бирмунде, чуьки недани гъонунгьоре нисе хилос сохде эз жугьобдорлуьи, ве инсонгьо биё бу хэбер дореи э товун секонеигьо, комикигьо бесде оморе э гъонунсуьзлуье вокурдеи объектгьоре.
Э корисохи гуьрдлемере бири фегьм сохде ёгъинлуье нишонегьо э сер 12 хуьшдени ю э гуьнжо овурдеие объектгьо вокурдеигьо, комики гьисди э Махачкале.
Гьечи, э мэгIлуьмети Минстрое республике, э имбурузине руз э сер гъонунсуьз вокурде оморе хунегьо э межбурлуьи эз гъозие э гьер жейлее овхьол гъобул сохде оморе гъэрорноме э товун угьоре деберде э кор венгесдеи енебуге нисд сохде.
Гуре гуфдиреие мэгIлуьметие, э «савзе жейлее чапарлуье мескен» гировунде омори 213 омборехунее хунгьо, гьемчуьн э товун 5 хунегьо э кеми гъэдеревоз хьозуьрлугъи доре омори кумекие тэгIрифномегьо
Хьуькуьм эн серкори Махачкале руй бире э дивуни э талабие эрзоревоз э товун нисд сохде и объектгьоре.
Гировунде омори корисохигьо э сер э гуьнжо овурдеи гъэдерлуье хьисобе 109 хунегьо, чуь доре угьоре э звреи везифе шегьере. Гьисдигьо деберде омори э жирей корисохи э Дагестанстат.
Гьееки э иревоз, зиёд сохдеи хьисобсохире дебердеие хьуькуьмевоз эн сер кори муниципалитетгьо бире гъозигьо э автоматизированни хэберлуье жирей корисохи «Акцент-Стройконтроль» э товун объектгьо хуьшдение ю вокурдеи, э войгегьоревоз эз жерге вегуьрдеи бишеркире гъэдерлуье бирмундеигьо объектгьоре хуьшдени ю вокурдеире. Э гьонине вэхд гъэдер дебердеие э жирей корисохи хуьшдени ю вокурдеигьо омборехунее хунегьо гуьнжуьнде 854.
Овгъот овурде расундеие идорегьоревоз республике гировунде оморе кор э сер фегьмсохи омборехунее хунегьоре эри офде оморе бире гъозигьо минкинигьо енебуге минкинигьосуьзе нореи жэгIмихунеие овгъотгьо хьисобсохире, гьемчуьн вокурдеи буруние хьисобгьоре.
Жейлее тигъэти э корисохи гуьрдлемере бири доре гировунде оморе коре э сер нисдсохи песини ловсохи газеэвирлуье гъэруьшуьгъэ, комики гирошдеигьо 25-муьн марте 2025-муьн сале э омборехунеие хуне э куче Гапцахски, 14 э Махачкале. Пуьруьш сохде омори пуьрсуьшгьо веровундеи гъэдэгъэгьэгьо СернуьшеХьуькуьме РД э бедел дошдеи гъонунлуье ихдиёригьо зигьисдегоргьой хунере.г7т
Э арти гуьрдлемере бири доре гъэдэгъэгьо жугьобдорлуье идорегьоре хьуькуьме э сер веровундеи корисохигьоре, комикигьо фуьрсоре оморе э зуте мэгIлуьм сохдеи ве не гьишдеи гъонунсуьзлуье э кор венгесдеи хорие муьлкгьоре ве хуьшдени ю вокурдеигьоре. Манвел Мажонц гуфдири боворини э у, чуьки дуь эекиревоз зиёдгъувотлуьигьоревоз дануьсде те эхир бегьем сохде хубе барасигьоре э и коргьо ве доре дошдеи гъонунгьоре ве ихдиёрие гуьнжолуьире э е гъэдер мескен республике.
