25-муьн сентябрь Сернуьш Хьуькуьме РД Абдулмуслимов гъобул сохди бэхшвегири э межлуьслуье вокурдеи Гьеммеуруссиетие сафарие форум «Вокурде оморе Догъисту» ве ГIэрейхэлгъие мигIид хэлгъие художественни ветэггъэгьо «Гъоимдошдегоргьо дингьоре».
Дуьруьжде корисохигьо гирошди э республике эз 25 те 28-муьн сентябрь. Э гъэд зиреклуье программе А.Абдулмуслимов гъобул сохди бэхшвегири э жегIмие вохурдеи «Зурие тегьер рэхьгьо параменди хэлгъие художественни ветэгъэгьо э гьеймогьоине экономически иловле», комики гирошде омори э Миллетлуье библиотеке РД э нум. Расуле Гамзатове. Эри пуьруьшсохи бинелуье четинигьоре ве биёвгьо параменди НХП э Уруссиет кучмиш бири нушудорегоргьо идорегьо хьуькуьмлуье ве муниципальни хьуькуьме, коммерсантие жзмигIэт эз жире-бе жирее субъектгьо вилеете, гьемчуьн бинелуье сенигIэткоргьо сафарие иловле.
Вокурде коре жэгIмие гуьрдлемере, премьер-министр бирмунди, чуьки гировундеи келе культурни мигIиде бири хубе диневоз э Догъисту.
Премьер-министр Догъисту бирмунди вожиблуьи э гуьнжолуьи минкинигьо эри пуледорегоргьо э коргьой хэлгъие ветэгъгьо ве бигIэдотлуье корхонегьо. Э гофгьой энуревоз, гуьнжолуьи хушхьоле иловлегьоре зутеине хэёл сохдеи гуьнжолуьи жейлее программе кумекии, дореи налогови ихдиёригьоре, гуьнжолуьи инфраструктуре, герекие эри барасилуье коре сохдеи ве зевер биреи бизнесе
Гуфдире э товун параменди сенигIэткорлуье дореи А.Абдулмуслимов бирмунди гереклуьи э сенигIэткоргьо, комикигьоре гьисди неки сенигIэткорлуье усдоетие хутеигьо, оммо ве синогъигьо э коргьой маркетинге, э гуьнжо овурдеире, рэхьбери сэхьиблуье корисохигьоре ве э кор венгесдеи тозе технологигьоре.
А.Абдулмуслимов бирмунди хьуькуьмлуье бэхшгьоревоз верзуьшлуье усдокоргьоре республике.
Бэгъдовой жэгIмие форум премьер-министр фегьм сохди бирмундеире, комики нушу доре омори э куче э нум С.Стальски э шегьер Махачкале. Инжо фирегь лов сохди лап келе бирмундеигьоре сафарие муьлкгьоре ве сафарие хуреке Республике Догъисту ве регионгьоре Уруссиете, бирмундеи хэлгъие художественни ветэгъэгьоре регионгьоре Уруссиете, гировунде оморе жире-бе-жирее мастер-классгьо, бирмундеигьо мудгьоре эз уруссиетие парталдухгьо ве омборе екейгегьо.
Э бирмундеи НХП нушу доре омори молгьо эз бинелуье корхонегьо Уруссиете, комикигьо хьозуьр бире э корхонегьо молгьо хэлгъие художественни ветэгъэгьо.
Жейлее бирмундеи гIуьзет сохде омори коргьоре шекуьлгьоре-гIэилгьоре э жейлее парамендиревоз.
Э корисохи э иловле гешдеи жигегьоре премьер бирмунди книггьоре э гъовумлуье догъистуние зугьунгьо, э у гъэдер овосунегьо э шекуьлевоз «жейлее» шекуьлгьоревоз. Гьечи, меселен, уруссиетие хэлгъие овосуне бири тержуьмесохи ве гуфдире э 6 зугьунгьо Догъисту.
Шекулгьо э книгьо веровунде омори жейлее гIэилгьоревоз.
А.Абдулмуслимов сер кешири хэберлуье сафарие бинере «Москва» э жире гирошдение вагончике. Инжо, эки меселен, эз жейлее QR-бирмундеи э экрангьо гIэмел миёв шинох бире э дананидореие пограммегьоревоз, мерэгълуье рэхьгьоревоз ве дуьлхошигьоревоз.
Бэгъдовой э иловле гирошдеи э келе бирмундеи Сернуьш Хьуькуьме РД дори межлуьслуье сер гуьрдеи Гьеммеуруссиетие сафарие форум «Вокурде оморе Догъисту» ве ГIэрейхэлгъие мигIиде хэлгъие художественни ветэгъэгьо «Дошдегоргьо дингьоре».
Гьеммеуруссиетие сафарие форум бири жиге эри дегиши синогъире, пуьруьшсохи э вэхд ю герек гьисдигьо пуьрсуьшгьоре параменди сафарие коргьоре ве э гуьнжо овурде хьэрмэхьие гъэнжоггъигьоре э гIэрей идорегьой хьуькуьме, нушудорегоргьой бизнесе ве жэгIмие идорегьой Догъисту ве екейгегьо регионгьо Уруссиете,- риз кешири Абдулмуслимов.
Корисохире зиёд сохди консертни программе э бирмундеиревоз верзуьшлуье возирегоргьоревоз ве вежегъисдение десдегьо республике. Консертни программе дураз сохде омори гьемме чор руз ве дешенди э хуьшде бирмундеи хэлгъие десдегьоре муниципальни соводигьо республике. Жейлее руз бири гIуьзет сохде гировундеи Вокурдеие Софун-Кавказски мигIиде лезгинке.
