Э рамке веровунде хьуькуьмлуье программе Республике Догъисту «Э товун биразии кор гъонунепузмиши э Республике Догъисту» дуразкеши гировундеи гуьрдлеме гиргинее суьфре э гъосуьт: «Жовонгьо биразии гъонунепузмиши кор» э республикани ВУЗгьо.

Министерствогьо э товун кор жовонгьо Республике Догъисту дуь э екиревоз э Сервори сохде Сервор Республике Догъисту э пуьрсуьшгьо биразии кор гъонунепузмиши э гуьнжо овурди ве гировунди гиргинее суьфре э Догъистони хьуькуьмлуье университете, Догъистони хьуькуьмлуье техникие университете ве Догъистони хьуькуьмлуье тербиедоренигьо университете.

Э кор гиргинее суьфре гъобул сохди бэхшвегири нушудорегор Сервори, Министерстве э коргьо жовонгьо Республике Догъисту, Республикеине жогьилигье бинелуье мескен ве тербиедорегоргьо ВУЗгьо. Э гиргинее суьфрегьо бири гуш дошде докладгьо хундегоргьо ВУЗ э гъэрушуй гъонунепузмиши гьосуьт, гьемиге фегьмсохи э вэхд ю герек гьисдигьо пуьрсуьшгьо э гъэршуй кори сохдеи гъонунепузмиши. Жерге кор гировунде оморигьо э жире гиргинее суьфре, руьхсет дори хундегоргьоре ве бэхшвегиргьоре тапшуьрмиш сохдеи дуь эз еки пуьрсуьшгьо, бэхш сохде синогъи кори гьэгъигъэтлуье корисохи. Е гъэдер гиргинее суьфрегьо эри хундегоргьо буьлуьнде хундение идоре республике гировунди э гъосут э гуьнжо овурде э иловле хундегоргьо бисабуьри гъэножогъи эки гъонунепузмиши. Ухшешие кор э рамке кор венгесдеи хьуькумлуье программе Республике Догъисту «Э товун биразии кор гъонунепузмиши э Республике Догъисту» гировунде оморе Министерствогьо данани ве гIилми Республике Догъисту э школегьо.