Э буланмиши кеширеие эз батмишигьо Мамедкале буругъ векендеи тозе буругъэ э войгегьоревоз гьеммишеине гIоведореи зигьисдегоргьой дигьбоне. Э товун гировунде оморе коргьо э гуьрдлеме правокомиссие мэгIлуьм сохди Сернуьш Хьуькуьме РД Магомед Рамазанов.

У бирмунди, чуьки э дигьбон Мамедкале эсер гъэдэгъэи Минприроде Уруссиете буругъ векендеи ек тозе буругъэ ве гъуьч сохди 2 гьисдигьоре. ЖэгIмие гъэдер омореи ек буругъ векендеие ве дуь тозеден э хуьшде дировундеие буругъэ гуьнжуьнди 1 200 куб. м/сут.

Эзуш бэгъэй, гьейсэгIэт буругъ векендеи оморе гене дуь буругъгьоре.

«Везифе норе омори бегьем сохде и коргьоре эки 20-муьн июнь. Э и войгегьо везифе норе омори коргьо эсер хуб сохдеи гIове вечиреие жигере, вокурдеи хьэвуьзе, насосни станцигьоре ве темиз сохдение дуьруьжде вокурдеигьоре, гьемчуьн тозеден э хуьшде дировундеи ве нореи гьеймогьоине системегьоре темиз сохдеи».

Гьемме коргьо везифе норе омори бегьем сохде те эхир октябрь гирошденигьо сале, эри овурде расундеи гьеммишеине дореи гIове эри хэржисохдегоргьо. Хьуькуьмевоз республике Догъисту ёгъинире дануьсдеи пуледорегоре. Те 6-муьн июнь герекие овгъотгьо мибу овурде те хогьишидорегор.