Э Догъисту сер гуьрди ГIэрейрегиональни мигIид динлуье культуре «Иму гьееки, Уруссиет».
Фикир веровунде омори э э кор венгесдеи бэхше, комикире дори ООГО «Уруссиетие фонд культуре» э гъэд федеральни фикире «Кифлетлуье гъиметлуьи ве инфраструктуре культуре»миллетлуье проекте «Кифлет».
Бирмундеи «Музыке Бараси», комики бири э куче э нум С.Стальски, вокурди программере мигIиде.
МигIид, пур бири кондуьллуье мэгIнигьоревоз ве гьовой лешгерие салгьо, комики норе омори э зугьун хэлгъие карасдигьо ве дуьлгьо.
Чуьни и «Музыке Бараси»? Гье у нисе асанте шинохе гьовогьо. Гье у зуьнде ёргири, комики сес сохде э жире-бе жирее зугьунгьо Кавказе ве Уруссиете. Гье у мэгIнигьо э товун дедеини муьгьбет, комики денишире кукгьоре эз довгIо, э товун гъовумлуье хори, комикире гъэлхэнд сохде, э товун лешгерие дусди, комики дуь э еки вогосундеи хуневоз. Гье у музыке, комики еклуьг бире умогьой ве еклуьгсохде гьейсэгIэт, гьишде сохде денишидорегоргьоре евош хундеи енебуге пэхьние тегьер покурде гIэрсгьоре. У сес сохди э веровундеи хэлгъие десдей мэгIнихунгьо, хундегоргьо, э зир возире э карасдигьо музыкеи гармошке, зурне.
МигIидлуье программере вокурди верзуьшлуье десде хэлгъие гуьнжуьнде оморе чигьо, ЗКНТ, десдей «Сес догъгьо» РДНТ ве шегьер Хасавюрт вежегьисдеиревоз «Догъисту эн ме».
Песде сегьне бири гьэгъигъэтлуье калейдоскоповоз культуре. Э у ведиремори возирегоргьо эз Кумторкалински, Ботлихски, Агульски, Рутульски, Лакски улкегьо, шегьере Махачкале. Сес сохди жунлуьие, комикигьо вегуьрде э песой жуне мэгIнигьо э товун хуьшдение бинелуьи: э товун Ватан, бофои, номусе. Очугъэ ранггьо э гуьнжо овурди хэлгъие вежегь-вежегьигьо – гьер партал, гьер десшувуни ихдилот сохди торихе хэлгъэ эн хуьшдере.
Оммо мигIид «Иму гьееки, Уруссиет» — гье у фирегье Догъистуре! Э мигIид омори гъуногъгьо, ве куче С.Стальски бири чуькле-карте Софуне Кавказе.
Ставропольски улке нушу дори десде «Казачья жун» — жунлуье мэгIнигьго вегуьрде гьеммей дениширегоргьо.
Чеченски Республике шинох сохди мердие вокальни десдей мэгIнихунгьо «Теркан Аз» эн ки дуьлтижие, гъувотлуье омборесесие вегуьрде нушу дореи.
Хундегоргьо эз Ингушетие ве десде «Ирон» эз Софуне Осетие-Алание бэхшире очугъэ музыкеие нумиргьо.
Кабардино-Балкарие бирмунди рачи кавказски вежегьисдеи э веровундеинишонбирмуние десдей вежегь-вежегь «Псыгансу».
Ве жирелуье «изюминка» корисохи – усдогьо-доулистгьо эз Софуне Осетие-Алание, комикигьо дори гьеммере энергие эн хуьшдере.
Куче бири пур! Дениширегоргьо жире-бе-жирее гIуьмуьрлугъи чек зери, мэгIни хунди, пэхьни нисе сохди гьис эн хуьшдере. Ловехэндеи, гIэрсгьо шори, жэгIмие сиротгьо – ини овхьолет иловлеи мигIиде.
МигIид «Иму гьеммееекиним, Уруссиет» эз мэгIнигьо вежегь-вежегъгьо, зуьнде гофсохи дуь э екиревоз Возирегоргьоре э томошесохдегоргьоревоз эз жире-бе-жирее жигегьо вилеете дошде культурни мироси хэлгъгьой эн имуре ве дегесунде э дуьлгьо муьгьбет ве сикеи э песой келе, омборемиллетлуье Уруссиет. Сер гуьрдеи гьисди-э пушо омборте очугъэ вохурдеигьо ве вокурдеигьо!
Э гуьнжо овурдегоргьо мигIиде
АНО бине параменди культуре ве мэгIрифете «Галактике». Э гуьнжо овурдеие, меслэхьэт дореие ве хэберлуье кумекии проекте дори хьовиргьо: Министерстве культуре Республике Догъисту, Республикански хуне хэлгъие гуьнжуьнде оморе чигьо ве Рэхьберисохи культуре Хьуькуьме шегьере Махачкале.
