Сернуьш Хьуькуьм эн Республикей Догъисту Абдулмуслим Абдулмуслимов гировунди корлуье вохурдеи э веровундегор гъэрхундигьой министре э товун миллетлуье политике ве эн коргьой дингьо эн Республикей Догъисту э Темирлан Абуталимовоз.
Гировунде омори артгьой корисохи э сферей расундеи гIэреймиллетлуье гъэножогъигьоре э республике э артгьой эн 10 мегьо эн 2025-сал, гьемчуьн веровундеи жейлее гъуллугъгьой эн Сервор Догъистуре Сергей Меликове.
Еки эз бинелуье артгьой корисохи бирмунде омори не дегьишдеи гIэреймиллетлуье бэхьсгьоре э Догъисту.
Т.Абуталимов э премьер-министр ихдилот сохди, ки гIэреймиллетлуье гъэножогъигьо э регион параменд бирени лаб хуб: э 2025-муьн сал гъозиегьой эн гIэреймиллетлуье э еки офдореи ве бирмундеи очугъэ гIреймиллетлуье бэхьсгьоре э хьисоб веноре не омори.
Той сохденки э порине салевоз гъэдер одомигьо, комигьоки хубте виниренуьт овхьолет эн гIэрейхэлгъие гъэножогъигьоре э Догъисту, зевер бири эз 91,5% те 92%.
Министрство э гIэрей е сал гировунди дуьруьжде мероприятиегьо, фуьрсоре оморигьо эри муьхькем сохдеи еклуьги одомигьоре, жэгIмиуруссиетлуье жирелуьи одомигьоре, гIэреймиллетлуье ве гIэрейдинлуье разимендире, эри гъэлхэнд сохдеи гIэдотлуье уруссиетлуье несигIэтлуье верзуьшигьоре ве эри дошдеи торихлуье еровурдире.
Гировунде омори кор э товун бэшвегуьрдеи Министерство э кор венгесдеи федеральни хьуькуьметлуье программегьоре. Гьечи, хьуькуьметлуье программей РД «Э кор венгесдеи хьуькуьметлуье миллетлуье политикере э Республикей Догъисту» гировунде оморебу конкурсни вихдеи эз Федеральни агенство э товун миллетлуье коргьо эри пулдореи региональни программегьоре. Гьечи, э декабрь эн 2025-муьн сал гузет сохде оморени ки гъул кешире миев Разименди э гIэрей ФАДН ве эн Хьуькуьм Республикей Догъисту э товун дореи субсидигьоре эз Федеральни бюджет э жэгIм 13,2 млн. монетгьо э 2026-муьн сал,
Э везифей те биреи нисд сохдеи бэхшвегире э террористически ве экстремистки корисохи э мескен регион, э гIэрей эз де вилеетиге оморигьо одомигьо, э и хьисоб э гIэрей одомигьо, деруьтгьо э гъэземет, гьееки э ихдеирхэлхэндлуье органгьоревоз, э жэгIметлуье ве динлуье идорегьоревоз, гьемчуьн э кордорегоргьоревоз гировунде омори 65 тематически гъосуьтгьо, э 4500 одомигьоревоз.
Кор эн Министерствой миллетгьо эн Республикей Догъисту гьееки э динлуье идорегьоревоз, э органгьой жигенлуье хуьшденрэхьберисохиревоз ве э республикански динлуье корсохгьоревоз гировунде оморени э ижире тарафгьо, чуьн муьхькем сохдеи гIэрейдинлуье шолумире ве разилуьире, несигIэтлуье ве ватанхогье несигIэт дореи жовонгьоре, бэхшвегуьрдеи э кор э товун расундеи гъэршуйтеррористически гъэлхэнд сохдеи динлуье объектгьоре ве диеш.
