16-муьн март С.Меликов гъобул сохде бэхшвегири э вокурдеи спорткомплексе э кент Эндирей. Э мейду тозе физкультурно-жунсогъи венгесдеие объекте кучмиш бире гьемшегьерие зигьисдегоргьо, рэхьбергьо органгьо хьуькуьм, спортсменгьо ве тренергьо, э у гъэдер олимпийски бердегор Заур Угуев.

Комплексе э жуьр-бе-жуьрее тарафлуье вози сохдение дуьруьжде утогъ вокурде омори э гъэд программе параменди физически культуре ве спорт э Догъисту ве веровунде федеральни проекте «Спорт – гъэдер зиндегуни». Инжо гIэмел миёв возире баскетбол ве волейбол, чуькле-футбол ве гандбол, аэробике, сершуьлхьоние теннис ве еккейгьо жире спорте, эри гьерки эз комики гьисди мейдун эн хуьшде. Сергей Меликов омбаракбу сохде зигьисдегоргьоре Эндирей э гъозиерево ве риз кешире, чуьки песини салгьо кент гьисди э тозе е гъэдер вэгIэдо параменди эн хуьшде. Инжо вокурде омори тозе школе, вокрде оморе бохчей гIэили, вокурде рэхьгьо ве коммуникацие.

«Мере воисдени э и гъэдер вэгIэдо зиндегуни омбаракбу сохде гьеммей зигьисдегоргьоре кенте ве гьемме Хасавюртовски районе. Гъэгъигъэт гьечи-муьлк э посой муьлк, районе э посой районо, кент э посой кент имуре воисде параменди сохде гьеммей гъовумлуье Догъисту. Жунсогъи ишмуре ве тозе барасигьо э гIуьзет догъистуни ве уруссиети спорте»,- гуфдире сервор регионе. У риз кешир, чуьки вес нисди вокурде спортивни объекте. Вожиби, чуьки инжо кор сохде сенигIэткорлуье, хьэвеслуье тренергьо ве хунде мерэгълуье келетгьо ве гIэилгьо.

Фегьм сохде комплексе, рэхьбер республике гофсохи дуь э екиревоз э жовоние спортсменгьорево. Биёвгьо чемпионгьо уже э барасигьо расире гъимете тозе минкини ве ихдилот сохде нушу дореире э сервор регионевоз. Волейбольни десде Хасавюртовски район гировунде э тозе спорткомплекс бирмундение матче. Бэгъдовой гоф сохдеи э сервор регионево спортсменгьо дори уре туп э нуьвуьсдеиревоз ве шеи э нумевоз.

Э ёр овурде, и рузгьо вокурде оморе тозе омборофункциональни физкультурно-жунсогъи венгесдение комплекс э жиге эри 1500 дениширегоргьо э кент Ахты Ахтынски район.