Э песой пенж сал э Догъисту гировунди омборте 950 км газебэхшсохдеие тургьо. Э зир рэхьберисохи суьфдеи вице-премьере Манвеле Мажонце гирошди гуьрдлеме региональни бинере эсер пуьрсуьшгьой газе гировундеи ве гъоимгъувотлуье экономически параменди корхонегьоре энергетике ве ЖКХ РД.
Бинелуье гъосутевоз эри пуьруьшсохи бири артигьо веровундеи Программе параменди газедореи ве газе гировундеи РД э вэхд 2021-2025-муьн сал, гьемчуьн везифегьо эсер диеш зуте сохдеие газе гировундеи э могьлугълуье жигегьо ве овурде расундеи секонесуьзе э кор венгесдеи газови оборудованигьоре.
Чуьтам бирмунди суьфдеи вице-премьер, э песой пенж сал веровундеи программере тегазегировундеи э Догъисту гировунде омори омборте 950 км газебэхшсохдеие тургьоре, технически минкинигьо екбиреи э гуьнжо овурде омори эри 12 гьозор хунегьо. Эзуш бэгъэй, э песой хьисоб овгъотгьо республике гировунде омори тозеден э хуьшде дировундеи ве вокурдеи газетелгьоре жэгIмие дуразовуне гировундеиревоз 500 км.
Э хотур чуьки веровунде оморе гъэдергьоре тебиетие газе овурди расунди эки 2 гьозор кифлетгьо, хуб бири газедореи э 10 гьозор хунегьо.
Гьемчуьн бири бирмунде, чуьки эри овурде расундеи Лакски районе турие газевоз талаб сохде оморе вокурдеи газетеле дуразиревоз эки 48 км. Э биёвгьо технически минкини газегировундеи мибу овурде расунде гьемчуьн эри беделгьо могьлугълуье жигегьо Акушински ве Кулински районгьо. Уже э гирошденигьо сал сер мигиру э гуьнжо овурдеи газетеле эри Лакски районе.
Министр энергетике ве гъиметгьоре РД Марат Шихалиев ихдилот сохди, чуьки э Доъисту э гъэд РИП везифе норе омори вокурдеи гIэрейдигьбоние ве дорундигьбоние газетелгьоре те эхир 2028-муьн сал. Газе гировундеи эхир гьеммере э назар вегуьрде жергей могьлугълуье жигегьоре э 20 районгьо республике, чуь гьишдени овурде расунде турлуье сухундение молгьоревоз 15 гьозор хунегьо, гьемчуьн социальни идорегьо.
Гуфдире э товун пуле лореие системе, сервор «Газпром межрегионгаз Махачкале». Ризван Мурадов бирмундеи тигъэте, чуьки э Догъисту бирмунди хубте биреи пуле дореие системе э гъэд хэржисохдегоргьо тебиетие газе э сер артигьо гьевелие сале. ЖэгIмие риз гъэдерлуьи хьэгъ-хьисоби сохде зевер бири э 6% э тойсохи э бирмунушигьоревоз 2024-муьн сале. Омборе зевербиреи гермидореие ве бюджетни идорегьо – риз гъэдерлуьи пуле дореире омборте 97%.
Жейлее тигъэти бири доре пуьрсуьшгьоре овурде расундеи секонесуьзире э сер э кор венгесдеи газови оборудовани. Э сер овхьолет э 2-имуьн марте, э регион фегьм сохде омори 106 647 хэржисохдегоргьо, веди сохде омори омборте 18 гьозор гъонунепузмишигьо. Бинелуье войнегьоревоз жирелуье гъозие-гъэдергьоре гьисди гъонунепузмиши технике секонеисуьзире, э кор венгесдеи гъонунсуьзлуье оборудовани ве гъонунсуьзлуье екбиреи эки газови тургьо.
